Gati prangat për Berishën, Krashi: Ka abuzuar me detyrën, të vihet para përgjegjësisë! Të marrë me vete të gjithë ata që janë përfshirë në afera

 

Heqjen e imunitetit dhe pritjen e ashpërsimit të masës së sigurisë për Sali Berishën, deputeti i PS Lavdrim Krashi e quan një zhvillim pozitiv. I ftuar në “Studio Live” në Report Tv Krashi tha se Berisha ka abuzuar me detyrën dhe duhet të përgjigjet për atë që akuzohet.

“Të gjithë qytetarët janë të barabartë përpara ligjit dhe sot është hapur rruga për një person dominues në politikë për disa vite. Gjëja më normale është shikohemi në gjykatë në momentin që ka akuza. Është zhvillim pozitiv. Mendoj se është avancim i demokracisë. Të marrë me vete të gjithë ata që në 30 vite janë përzier me afera korruptive. Një person që akuzohet se ka abuzuar me financat publike, favorizuar dikë është i destinuar që të shkojë përpara përgjegjësisë juridike, penale. Ne do ti krijojmë kushtet SPAK  që ta mbështesim dhe ti krijojmë kushtet që aty ku dyshohet brenda institucioneve që ka veprimtari korruptive të jashtëligjshme t’ja kryejmë mundësinë ne. Është në akuzë, GJKKO e ka krejt legjislacionin përpara. Ka abuzuar me detyrën, duhet vënë para përgjegjësisë penale”, tha Krashi.

LEXO EDHE:
U rrëmbye dhe u zhduk nga SHIK-u i Sali Berishës, emri i një rruge në Tiranë merr emrin Remzi Hoxha

“S’ka asnjë goditje politike. Dhe në raporte thuhet. Ai ka refuzuar të shkojë në komision. Nuk mund të prezumosh. Gjërat nuk bëhen me akuza dhe kundër-akuza por me fakte. Pas disa vitesh mund ti ndodhë dikujt tjetër. Ai dikush tjetër mund të jetë kushdo. E vetmja tagër e parlamentit është për të parë nëse sulmi është politik apo ka arsye dyshuese për personin.”

Lajmi kryesor:

Pritet arrestimi i Berishës, 'dorëzohet' Rithemelimi, Baçi: Ne nuk dalim mbi vendimet e Gjykatës, jo akte dhune

B.K/KT/Shqiptarja.com

TAG:
• studio live
• spak heton partizanin
• sali berisha
• luan baci
• Lavdrim Krashi