POP 5

Lajmet më të lexuara të 5 minutave të fundit

Bota

Gaza/ Binjakët vdesin nga i ftohti, 6 raste të tilla në një javë

Krahas luftës, jeta e fëmijëve në Gaza po rrezikohet edhe nga i ftohti. Binjakë një muajsh, ndërruan jetë për shkak të hipotermisë këtë të hënë, ndërsa ky është rasti i 6 në një javë.  

Joma dhe Ali al Batran dy foshnja binjake 1 muajshe ndërruan jetë për shkak të të ftohtit. Burime nga autoritetet mjekësore palestineze e dhanë lajmin këtë mëngjes dhe këtë e konfirmoi edhe babai i tyre për agjencinë e lajmeve Wafa, i cili dje ka treguar fotografinë e binjakut të parë të pajetë dhe sot i tregon botës edhe atë të foshnjës së dytë.

Me binjakët, të lindur para kohe një muaj më parë, numri i të porsalindurve të raportuar nga mjekët e Gazës që kanë vdekur nga hipotermia në Rrip ditët e fundit shkon në gjashtë.

Drejtori i një qendre mjekësore urgjente në veri të Gazës, Muhamed Abu Afash, thotë se fëmijët "që vdesin çdo ditë kanë vuajtur nga të ftohtit intensiv i kësaj periudhe, por edhe nga mungesa e ushqimit, qumështit, rrobave të ngrohta dhe batanijeve.

Javën e kaluar ishte Sila, foshnja e vogël, historia e së cilës tronditi botën pasi ajo ngriu në krahët e të atit. Babai i binjakëve ka përsëritur që dje se në çadrën e tij në kampin e refugjatëve në Deir, ka lagështirë dhe ftohtë dhe era fryn fortë.

Tenda ku binjakët nuk i rezistuan të ftohtit kishte vetëm katër batanije për tetë persona.

Rastet e foshnjave që kanë ndërruar jetë javën e fundit, me të ftohtin që i shtohet bombave dhe predhave si kërcënim për jetën, shtojnë akoma më tej bilancin total të prodhura nga lufta dhe pasojat e saj në Gaza, ku që prej fillimit të konfliktit dhe sulmeve të izraelit, ministria e shëndëtësise palestineze thotë se kanë humbur jetën mbi 45500 persona, mes të cilëve 12 mijë raportohen të kenë qenë fëmijë,

K.M/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Çfarë prisni në vitin 2025?

Lajme të tjera



×

Lajmi i fundit

Shqipëri-Mali i Zi/ Fluks i lartë në pikën kufitare të Muriqanit, rreth 11 mijë persona në hyrje-dalje për dy ditë! Rriten sportelet

Shqipëri-Mali i Zi/ Fluks i lartë në pikën kufitare të Muriqanit, rreth 11 mijë persona në hyrje-dalje për dy ditë! Rriten sportelet

2 Janar, 13:37 nga Ergys Kavaja