Gazetari Daci: Italianët i janë rikthyer rutinës së përditshme, Covid-19 nuk është kryefjalë e ditës

Tashmë Covid-19 nuk është më kryefjala e ditës për qytetarët italian. Kështu u shpreh gjatë një lidhje live për Report Tv, gazetari Alban Daci.  Sipas tij gjithsecili i është rikthyer rutinës së përditshme njëlloj si para fillimit të pandemisë, ndërsa vendi po shkon drejt një hapje totale.

"Numri i të infektuarve ka rënë jashtëzakonisht shumë. Po ashtu ka rënë shumë edhe numri i viktimave brenda 24 orëve dhe është rritur numri i të shëruarve. Zyrtarisht Italia nuk është më pjesë e emergjencës së Covid-19. Këtë e dëshmon vetëm fakti që Italia po shkon drejt hapjes por edhe numrit të ulët të të prekurve.  Tashmë Italia ka hyrë në rrugën e hapjes totale të vendit.  Vetëm plazhet kanë mbetur të pahapura dhe lokalet e natës. Tashmë Covid-19 nuk është më argumenti i ditës dhe kryeartikull i ditës për mediat Italiane. Tashmë trajtohet si argument vetëm  mes specialistëve të shëndetësisë, ndërsa qytetarët kanë rinisur jetën dhe kanë marrë ritmet e rutinës.  Janë hapur pishinat, palestrat dhe qendrat për edukimin e fëmijëve. Ne si qytetar duhet të mbajmë rregullat e distancës dhe higjienës. Dëmi ekonomik i Italisë është mbi 500 miliardë euro. Pak a shumë me shifra të përafërta sepse nuk ka statistika.  Sektorët më të goditur janë turizmi dhe baret e restorantet. Më datë 3 qershor Italia do të hape kufijtë e saj. Në mënyrë të njëanshme. Italia ka vendosur ta bëje hapjen pa kushte karantinimi. Është hap i rëndësishëm, Sistemi shëndetësor pothuajse e ka marrë veten, por tashmë një rol të rëndësishëm i kanë kushtuar testeve", tha gazetari Daci. 

/r.k./Shqiptarja.com
  • Sondazhi i ditës:

    Rënia e rasteve me Covid-19 dhe vaksinimi, a duhet të hiqet ora policore?

Komento


×

Lajmi i fundit

John

Euro zbret në nivelin më të ulët që nga fillimi i COVID! Sot 1 euro këmbehet me 122.9 lekë nga 124 në 2020