Genta sjell klipin e këngës “E kam provuar”

Vetëm para pak ditësh këngëtarja Genta Ismajli shkruajti në rrjetin social Facebook se të shtunën do të publikonte klipin e saj më të ri.



Bukuroshja kosovare e mbajti fjalën dhe tani të gjithë fansat e saj mund të shikojnë videoklipin e këngës “E kam provuar”, i cili është punuar nga produksioni “EMF Creative”.



Teksti dhe muzika e këngës është punuar nga Arsim Bushnjaku ndërsa kompozimin e ka bërë Virusi.



Në ndryshim nga Genta shpërthyese që jemi mësuar të shikojmë në klipet e saj, këtë herë ajo na shfaqet më e ëmbël dhe e brishtë pasi kënga është një baladë.



Genta duket se edhe këtë rradhë nuk i ka zhgënjyer fansat e saj pasi vetëm video promovuese e këngës mori mbi 500 000 klikime në You Tube.

(b.t/shqiptarja.com)