/ATSH/ -Në prag të mbledhjes së dytë të përbashkët mes qeverive të Shqipërisë dhe Kosovës, Ministri i Punëve të Jashtme, Ditmir Bushati, zhvilloi një takim me Kryetaren e Komunës së Gjakovës, Mimoza Kusari-Lila.
Me anë të një postimi në rrjetin social, "Facebook", Ministri Bushati thekson se, në takim u diskutua mbi gjallërimin e bashkëpunimit në nivel vendor Shqipëri-Kosovë. Gjithashtu në takim u diskutua edhe mbi jetësimin e projekteve të përbashkëta rajonale.
Mbledhja e përbashkët mes qeverisë së Shqipërsisë dhe qeverisë së Kosovës do të zhvillohet në Tiranë të hënën, 23 mars.