TIRANE-Gjenden dy armë zjarri pranë spitalit privat në Qytet Studenti ku po mjekohej fshehurazi Eduart Lamaj i akuzuar si ekzekutori i dy biznesmenëve në Laç, Bujar Likës dhe Paulin Gjergjit. Armët ishin fshehur në daljen e pasme të spitalit privat. Policia thotë se pistoletat, njëra 'Glock' dhe tjera 'Bereta' me vjaska për silenciator ishin fshehur në një pusetë pas klinikës ku mjekohej ilegalisht autori i dyshuar i vrasjes. Por, Report Tv sjell foton e pistoletave dhe pamjet nga vendi ku ishin fshehur armët, në daljen e pasme të spitalit privat, jashtë rrethimit të murit ndarës, jo në pusetë, por poshtë disa pllakave në një rrugicë në rikonstruksion.
Dy pistoletat e gjetura sot në mëngjes prapa ambienteve të spitalit “Amavita” në Tiranë, besohet se i përkasin dy personave që kanë qëndruar si roje, për të garantuar sigurinë e të plagosurit Eduart Lamaj. Këta persona besohet se janë larguar me shpejtësi duke braktisur dhe armët që kishin me vete, sapo kanë vënë re prezencën e policisë së Tiranës, në ambientet e spitalit privat "Amavita", ku ndodhej i shtruar Eduart Lamaj.
Largimi i tyre është bërë pa u vënë re nga policia, ndërkohë që sot njëri nga njerëzit që shërbente si punëtor në rrugicën në rikonstruksion, ka konstatuar praninë e dy armëve të zjarrit dhe menjëherë ka njoftuar policinë e Tiranës, ku dhe ka dhënë sqarime mbi rrethanat se si i ka gjetur armët. Ndërkohë policia dhe prokuroria e Laçit pohojnë se dy armët nuk janë përdorur në ngjarjen ku mbeti i vrarë Bujar Hasani dhe Paulin Gjegji, pasi në këtë vendngjarje janë gjetur gëzhoja automatiku që ka përdorur Eduart Lamaj dhe gëzhojat e pistoletës “Glock”, që ka përdorur Bujar Hasani.
Grupi i hetimit dyshon shumë se dy armët i përkasin personave që kanë shërbyer si roje pranë spitalit “Amavita”, me qëllim garantimin e sigurisë së Eduart Lamajt, që kishte shkuar aty fshehurazi për t'u kuruar. Policia ka kërkuar pamjet filmike të spitalit por edhe të bizneseve për rreth me shpresën e identifikimit të dy personave që kanë qëndruar të armatosur jashtë spitalit, gjatë ditëve kur Eduart Lamaj, ka qenë i shtruar dhe po kurohej në spitalin privat.
Eduart Lamaj mbeti i plagosur nga atentati dhe disa ditë pas ngjarjes pas rëndimit të gjendjes shëndetësore ka shkuar për t'u mjekuar te spitali privat ilegalisht. Dy mjekët që e operuan Viktor Marku dhe Besim Lama u arrestuan dhe ndodhen në burg për moskallëzim krimi dhe pengim të zbardhjes së vërtetës.
Ndërkohë që në kërkim për atentatin janë 33- vjeçari Ilir Xhepaj (Likaj), personazh i njohur për drejtësinë, 31- vjeçari Elson (Oltion) Alija (Vlashi) dhe 21 vjeçari Klaudio Perkola, djali i një efektivi policie.
Komente
Lajme të tjera
-
Lezhë/ Vrasja e Bujar Likës dhe Paulin Gjergjit në maj të 2020, prokuroria jep pretencën: 30 vite burg për 2 bashkëpunëtorët e krimit
6 Janar, 13:14 -
Vrasja e dy miqve të Ervis Martinajt, Apeli lë në fuqi dënimin me burgim të përjetshëm për Eduart Lamajn, 33 vite për bashkëpunëtorin
11 Tetor 2023, 16:14 -
Rrëfimi i bujshëm i vrasësit të Bujar Likës dhe Paulin Gjergjit: Biseda ime e fundit me Ervis Martinajn
13 Dhjetor 2022, 19:15 -
Vrasja e dy miqve të Ervis Martinajt, Gjykata e Kurbinit dënon me burgim të përjetshëm Eduart Lamaj dhe 33 vite burg për Ilir Xhepajn
18 Tetor 2022, 15:49 -
Vrasja e dy miqve të Ervis Martinajt, prokuroria kërkon burg përjetë për Eduard Lamaj dhe 35 vite për autorin tjetër
10 Tetor 2022, 17:27
-
Vrasja e dy biznesmeve në Laç në maj të 2020, gjykata rikthen çështjen për plotësim hetimesh
21 Qershor 2021, 11:08
-
Kultivonin dhe shisnin lëndë narkotike, arrestohen dy të rinj në Lezhë (Emrat)
11 Qershor 2021, 10:47 -
Ilir Lika i arrestuar si një nga autorët e vrasjes së 2 biznesmenëve në Laç, xhaxhait të tij i lënë mesazh kërcënues te dera e shtëpisë! Të atit iu bë atentat rreth një muaj më parë
20 Shkurt 2021, 15:05 -
Bashkëpunëtor në ekzekutimin e dy biznesmenëve në Mamurras, del para gjykatës Ilir Xhepaj
29 Janar 2021, 17:18 -
I dënuar me 25 vite burg për vrasje, i bëhet atentat 60-vjeçarit në Mamurras, djali i tij bashkëpunëtor në ekzekutimin e biznesmenëve në Laç! Qëllohet me 3 plumba pas varrimit të së motrës
28 Janar 2021, 14:11 -
Vrasja e Paulin Gjergjit dhe Bujar Likës në Laç, Prokuroria mbyll hetimet! Si tentuan njerëzit e Eduard Lamajt të pajtohen me familjen e biznesmenit
27 Janar 2021, 18:16 -
Atentat si në filma/ Momenti kur 2 personat qëllojnë 45-vjeçarin në qendër të Milotit (VIDEO)
14 Janar 2021, 11:07
Ishe skifter i zoti apo ngele pa lek edhe hajt po e provojm me u bo gjujts. Kshu është kur ndron zanat.
Përgjigju