POP 5

Lajmet më të lexuara të 5 minutave të fundit

Kronikë

Gjendja e shkollave në Tiranë pas tërmetit, bie i gjithë tavani i katit të tretë te 'Sami Frashëri' (Situata)

Situata e shkollave të Tiranës, pas lëkundjeve të tërmetit nuk paraqitet në gjendje kritike. E vetmja shkollë, ku janë shkaktuar me tepër dëmtime, është gjimnazi “Sami Frashëri” ku në katin e tretë ka rënë pjesa e tavanit. Ende pritet vendimi i ministrisë së arsimit për rifillimin e shkollës por dhe lista me shkollat e dëmtuara.

Lëkundjet e fuqishme të tërmetit të 26 nëntorit, kanë shkaktuar dëme jo vetëm në banesa, por dhe në shkolla. Situata në Tiranë, nuk paraqitet në gjendje të rënduar, me përjashtim të gjimnazit "Sami Frashëri", ku në katin e tretë, ka rënë i gjithë tavani.

Në shkollën 9-vjecare, “Pal Engjëlli”, lëkundjet e tërmetit kanë shkaktuar plasaritje të mureve të brendshme të godinës, por pas inspektimeve nga ana e inxhinierëve, janë bërë riparimet e nevojshme për të bërë të mundur rikthimin e fëmijëve në shkollë.

Dëmtime ka pasur dhe shkolla 9-vjeçare ‘Kongresi i Lushnjes”, godina ka pësuar krisje të murit të jashtëm. Edhe në këtë shkollë, kanë qenë përfaqësues të bashkisë që kanë bërë riparimet e nevojshme.

Kjo shkollë ka pësuar dëmtime edhe gjatë tërmetit që ra vetëm dy muaj më parë. Përsa i përket shkollave në Durrës, janë kontrolluar të gjitha shkollat dhe pritet vendimi i ministres së arsimit për të caktuar datën e rifillimit të procesit mësimor dhe listën e shkollave të dëmtuara.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Vranësira dhe temperatura të ulëta, parashikimi i motit për sot

Vranësira dhe temperatura të ulëta, parashikimi i motit për sot

27 Dhjetor, 08:30