16-Prilli simbolikisht shënon përkujtimin e eksodit, që nisi në 27 mars të vitit 1999, kur në Kukës mbërritën mbi gjysmë milioni shqiptarë të dëbuar nga Kosova.

Kjo datë përkon edhe me mbërritjen e më se 75-mijë shqiptarëve të Mitrovicës pas një udhëtimi rraskapitës nëpër Kosovë.

Qindra qytetarë nga Kosova kaluan sot kufirin Vërmicë – Morinë për të mbërritur në Kukës, si akt simbolik, në kujtim të eksodit të vitit 1999, kur një million kosovarë u dëbuan nga shtëpitë e tyre prej forcave serbe.  

Pas 18 vitesh nga gjenocidi serb, ata kanë zgjedhur ta kujtojnë kështu periudhën e luftës, dhe si shenjë falenderimi për qytetarët e Kukësit që i pritën në ditë të vështira.

Ata u shoqëruan nga ambasadori i Shqipërisë në Kosovë, Qemal Minxhozi, ndërsa në anën tjetër të kufirit i priste kryetari i Bashkisë së Kukësit, Bashkim Shehu.

Për drejtuesin e Eksodit 99, Ali Topalli, kjo datë shënon një moment të rëndësishëm historic, sidomos sot, kur Kosova është bërë një shtet sovran.

Ndërsa kryetari i Bashkisë së Kukësit, Bashkim Shehu, u shpreh se Kukësi do të jëtë një derë mikpritëse për qytetarët e Kosovës ashtu si 18 vite më parë.

16-Prilli simbolikisht shënon përkujtimin e eksodit, që nisi në 27 mars të vitit 1999, kur në Kukës mbërritën mbi gjysmë milioni shqiptarë të dëbuar nga Kosova.

Kjo datë përkon edhe me mbërritjen e më se 75-mijë shqiptarëve të Mitrovicës pas një udhëtimi rraskapitës nëpër Kosovë.

Redaksia Online
l.q/Shqiptarja.com