POP 5

Lajmet më të lexuara të 5 minutave të fundit

Arkiva

GJERMANI – Rritje e ndjeshme e emigracionit

BERLIN, 16 mars /ATSH-AFP/ – Gjermania ka regjistruar në 2014-ën një rritje të lartë të emigracionit në masën 6,2 për qind duke strehuar 519 300 persona, sipas Zyrës Federale të Statistikave (Destatis). Që prej vitit 1967, datë kur u krijua regjistri për të huajt (AZR), Gjermania nuk ka patur kurrë më parë kaq shumë emigrantë, […]

BERLIN, 16 mars /ATSH-AFP/ - Gjermania ka regjistruar në 2014-ën një rritje të lartë të emigracionit në masën 6,2 për qind duke strehuar 519 300 persona, sipas Zyrës Federale të Statistikave (Destatis).
Që prej vitit 1967, datë kur u krijua regjistri për të huajt (AZR), Gjermania nuk ka patur kurrë më parë kaq shumë emigrantë, të cilët përbëjnë 8,2 milion persona në të gjithë vendin.
Viti 2014 zë vendin e tretë për nga rritja e përqindjes së emigracionit, pas viteve 1991 (539 800) dhe 1992 (613 500 persona).
Emigrantët e rinj në vitin 2014 kanë prejardhje prej rreth 60 për qind (306 700) nga vendet e BE-së.
Brenda kësaj popullate, emigrantët me prejardhje nga Rumania kanë regjistruar rritjen më të madhe nga 32,9 për qind në 87,945 për qind, ndjekur nga Bullgaria 24,8 për qind në 36,435 për qind, Hungaria 15,6 për qind në 21,198 për qind dhe Polonia 10,5 për qind në 64,297 për qind.
Jashtë BE-së, rritja më e madhe e numrit të emigrantëve ka origjinën nga Siria.
Një total prej 61 295 emigrantësh me origjinë nga ky vend në luftë, kanë ardhur në Gjermani këto katër vitet e fundit.
Në raport global, nga 8,2 milionë emigrantë, 3,7 milionë janë me origjinë nga vendet e BE-së, ndërsa 4,5 nga vendet e tjera, ku turqit me 1,5 milionë emigrantë, përbëjnë komunitetin më të madh të emigrantëve në Gjermani./
/k.p/ a.jor.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

10 Janar, 23:03