POP 5

Lajmet më të lexuara të 5 minutave të fundit

Shëndeti

Gjinekologë nga Tirana shërbim
pa ndërprerje në spitalin e Burrelit

Nis nga kujdesi për nënën dhe fëmijën zbatimi i sistemit të patronazhimit të spitaleve rajonale dhe bashkiake nga spitalet universitare të Tiranës. Prej dy ditësh, 4 mjekë të maternitetit të Tiranes “Koço Gliozheni” po ofrojnë shërbime mjekësore në spitalin e Burrelit, me sistem rotacioni 2 mjekë në javë, me shërbim 24 orë, për të plotësuar nevojat me mjekë gjinekologë në këtë spital. VIDEO
Gjinekologë nga Tirana shërbim<br />pa ndërprerje në spitalin e Burrelit<br /><br>
Nis nga kujdesi për nënën dhe fëmijën zbatimi i sistemit të patronazhimit të spitaleve rajonale dhe bashkiake nga spitalet universitare të Tiranës. Prej dy ditësh, 4 mjekë të maternitetit të Tiranes “Koço Gliozheni” po ofrojnë shërbime mjekësore në spitalin e Burrelit, me sistem rotacioni 2 mjekë në javë, me shërbim 24 orë, për të plotësuar nevojat me mjekë gjinekologë në këtë spital.

Mungesa e mjekëve specialistë gjinekologë i detyronte gratë matjane të drejtoheshin drejt Lezhës apo Tiranës për këtë shërbim.

Vetëm në dy ditët e para të ofrimit të shërbimit nga mjekët e maternitetit Koço Gliozheni në spitalin e Burrelit, u kryen 36 ekografi dhe konsulta, 1 lindje, dy shtrime dhe një planifikim për intervent, ndërsa është vënë re një interesim i madh nga e gjithë zona e Matit për të kryer ekografitë dhe vizitat me dr. Arjan Alikajn dhe dr. Vezir Tenën, mjekët e parë të ardhur nga Materniteti i Tiranës.

Për dr. Vezir Tenën, i cili ka një eksperiencë të gjatë ne maternitetin e Tiranës, ardhja në Burrel për këto ditë shërbimi nuk është një sakrificë, por një detyrim për të dhënë shërbim aty ku janë nevojat. Ndërsa drejtori i spitalit të Burrelit, Dritan Neli, shprehet se kjo zgjidhje e gjetur nga Ministria e Shëndetësisë ishte e domosdoshme për të plotësuar nevojat me mjekë specialistë që ka ky spital.

Sistemi i patronazhimit, i lançuar nga Ministrja Manastirliu, do të shtrihet në të gjitha spitalet ku ka mungesa të mjekëve specialistë, deri në plotësimin e nevojave me mjekët e rinj specialistë që perfundojne studimet vitin e ardhshëm.

"Nis mbarë sistemi i patronazhimit te spitaleve rajonale e bashkiake nga spitalet universitare të Tiranës. Me një lindje të një fëmije të shëndetshëm 4200 gram, mjekët e maternitetit Koço Gliozheni kanë nisur të japin shërbim të pandërprerë në spitalin e Burrelit, me sistem rotacioni 2 mjekë në javë, për të plotësuar nevojat me mjekë gjinekologë në këtë spital. Faleminderit dr. Arjan Alikaj, dr. Vezir Tena, drejtorit të maternitetit Arben Rrugia dhe mjekut të ri Oljan Çala që ishin të parët që ju përgjigjën kërkesës sonë për zbatimin e sistemit të patronazhimit. Ky sistem i ri do të shtrihet në të gjitha spitalet ku ka mungesa të mjekëve specialistë, deri në plotësimin e nevojave me mjekët e rinj specialistë që perfundojnë studimet vitin e ardhshëm", shkruan ministrja Manastirliu në 'Fb'.

vizita eko

d.c./shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu