Kjo ditëlindje nuk ishte si të tjerat për Selvije Jaon. Për herë të parë, ajo e festoi pa Shpat Kasapin, ndërsa zgjodhi ta kujtojë me një postim që ka prekur ndjekësit.

Selvija publikoi në rrjetet sociale një video nga një ditëlindje e viteve të kaluara, ku Shpati i bën një surprizë. Bashkë me pamjet, ajo ndau edhe disa rreshta kushtuar këngëtarit, duke rrëfyer se e kishte pritur gjatë gjithë ditës.

“Gjithë ditën kam pritur të vish. Sado angazhime të kishe, sado momente të vështira të kishim kaluar, edhe kur jeta na sfidonte aq shumë, ti prapë nuk e harroje këtë ditë. Ti prapë dije si ta bëje ditën time festë”, shkruan ajo.

Shpat Kasapi u nda nga jeta në nëntor të vitit 2025, në moshën 40-vjeçare. Pas humbjes së tij, Selvija ka ndarë herë pas here kujtime dhe dedikime, ndërsa edhe këtë ditëlindje zgjodhi ta kalojë duke e kujtuar njeriun me të cilin ndau jetën.