Gjoba bizneseve në Shkodër 
shkon 9 numri i të arrestuarveVD/Çasti i arrestimit të Muhamet Licit
Tregtarë paguanin çdo muaj/Skema

Policia e Shkodrës dhe Prokuroria e Krimeve të Rënda vazhdojnë operacionin për arrestimin e anëtarëve të grupit kriminal të gjobëvënieve në Shkodër.
 
Ka shkuar në 9-të numri i të ndaluarve ku të arrestuarit së fundmi janë Ibrahim Lici 24 vjeç dhe i mituri H.L 16 vjeç.

Sipas hetimeve këta dy persona ishin pjesë e grupit kriminal drejtuar nga Muhamet Lici i në emër të të cilit paraqiteshin tek tregtarët për të marrë taksën mujore të paligjshme ndaj bizneseve.
 
Të arrestuarit e operacionit “Ilegall Bill” tashmë janë sjellë në Tiranë dhe të hënë do të dalin para Gjykatës së Krimeve të Rënda për t'u njohur me akuzat që rëndojnë ndaj tyre.
 
Lici së bashku me grupin e tij ka mohuar akuzat para policisë.
 
Por për Prokurorinë krimet e tyre janë të provuara me një sërë provash, nga blloku i shënimeve me emrat e tregtarëve dhe pagesat e tyre dhe deri tek pamjet filmike dhe përgjimet e telefonatave me pjesëtarët e grupit ku kërcënoheshin tregtarët.
 
Sot u arrestuan:
1. Ibrahim Lici, 24 vjeç, banues ne lagjen Guerile, Shkodër.
2. H. L, 16 vjeç, banues në lagjen Guerile, Shkodër.
 
Operacioni i RENEA-s dje, u arrestuan:
1. Muhamet Mustafa Lici, i vitlindjes 1992, lindur dhe banues në Lagjen “Guerrile” Shkodër , i dënuar më parë me 4 vjet e 8 muaj burgim për veprën penale të “Prodhimit dhe mbajtje pa leje të armëve dhe municionit luftarak ”, parashikuar nga neni 278/2/5 të K. Penal.
2. Abedin Eljaz Bajraktari, i vitlindjes 1990, lindur dhe banues në lagjen “Guerrile” Shkodër , në gjendje gjyqësore “i dënuar”.
3. Denis Zaim Skutina, i vitlindjes 1993 , në Shkodër dhe banues në Lagjen “Naim Gjylbegu”, Shkodër.
4. Shtetasi G.S, i vitlindjes 2000, lindur dhe banues në Lagjen “Naim Gjylbegu”, Shkodër.
5. Besmir Merzuk Domnori, i vitlindjes 1993, lindur dhe banues në Lagjen “Qemal Stafa” Shkodër.
6. Gëzim Ragip Vajushi, i vitlindjes 1960, i lindur e banues në lagjen “Ahmet Haxhia”, i dënuar.
7. Fatmir Vehbi Dibra, i vitlindjes 1964, lindur dhe banues në lagjen “Kongresi i Përmetit”, Shkoder.

Redaksia Online
l.q/Shqiptarja.com

TAG:
• Mustafa Lici