Ministrja e Drejtësisë Etilda Gjonaj ka akuzuar PD dhe LSI se po paguan të miturit për të nxitur akte të dhunshme në protesta. Gjonaj ka dënuar dhunën në protesta duke thënë se opozita nuk mund të vijë në pushtet duke përdorur fëmijët për akte të tilla të dhunës e shkatërrimit. Gjatë një interviste për Report Tv, Ministrja Gonaj shtoi se qeveria mori përgjegjësi morale dhe tregoi se është e ndryshme nga qeveria "Berisha", pasi nuk i dha mbrojtje efektivit që vrau por ia dorëzoi drejtësisë, ndryshe nga Berisha që mbrojti gardistët që vranë 4 protestues të pafajshëm në 21 janar. Në lidhje me dorëheqjen e Ministrit të Brendshëm, Sandër Lleshaj, Gjonaj tha se ai nuk kishte asnjë përgjegjësi ligjore për aktin e policit që vrau Klodjan Rashën, por se akti i tij ishte thjeshtë përgjegjësi morale.
Gjonaj foli edhe për shkatërrimin e selisë së PS në Shkodër një ditë më parë duke thënë se këto akte janë nxitur nga kryetarja e Bashkisë Voltana Ademi. Gjonaj tha se policia e prokuroria do të përdor të gjitha materialet filmike gjatë protestës për të identifikuar organizatorët apo nxitësit e dhunës dhe t'i vendosë ata para drejtësisë, të cilët me ligj dënohen deri në 4 vite burg për nxitje të fëmijëve për akte dhune në protesta.
Gjonaj vlerësoi rolin e policisë në protesta duke thënë se po kryen punën sipas standardeve ndërkombëtare. Ajo u bëri apel prindërve të kenë kujdes për fëmijët dhe të mos i lejojnë të keqpërdoren nga subjekte politike.
Duke iu referuar prezencës së kryebashkiakes Voltana Ademi në protestat e djeshme në Shkodër, Ministrja Etilda Gjonaj deklaroi se ata persona që nxisin të miturit për akte dhune dënohen deri në 4 vite burg.
"Sot vëmë re se kemi një protestë të dhunshme. Nuk meriton të konsiderohet protestë përsa kohë që lidhet me aktet e dhunës. Të miturit janë nxitur nga segmente politike të PD-së dhe LSI-së. Janë përdorur nga subjekte politikë duke qenë dhe vetë prezent në protestë sikur ishte dhe rasti i Shkodrës. Të gjithë personat që nxisin akte të ndryshme penale përmes të miturve nën 14 vjeç dënohen deri më 4 vite burg. Kjo është një fatqetësi shumë e madhe sidomos nga ato parti që flasin shumë për të rinjtë, se si këto largohen dhe se duhet të kenë më shumë vëmendje, por nga ana tjetër i përdorin" - tha Gjonaj.
E pyetur për emrin e ri që do të vendoset në krye të Ministrisë së Brendshme, Gjonaj tha se është përgjegjësi e kryeministrit dhe do të vendoset në ditët në vijim por pa zbuluar asnjë emrë konkret.
"Protestat në çdo rast janë një mekanizëm i demokracisë por kur këto janë të paqta. Në shumë raste kur kemi pasur protesta, qeveria ka reflektuar, siç është rasti i studentëve. Kishte një anë humane nga protesta në Durrës. Njerëzit duan pak qetësi dhe solidaritet në këto momente. Fëmijët tanë kanë kaluar një vit shumë të vështirë. Ata nuk duhet të shohin akte dhune në televizor. Mendoj që zgjedhja e ministrit të ri është një përgjegjësi i kryeministrit. Do të jetë ai që në momentin që do ketë të gatshëm një emër dhe besoj se do jetë i gatshëm në ditët në vijim" - tha Gjonaj.
Lidhur me organizatorët e kësaj proteste, ministrja Gjonaj deklaroi se nuk ka mundësi që fëmijët e mitur të mblidhen me vendimin e tyre për të protestuar. Duke hedhur dhe njëherë akuza ndaj PD e LSI si orkestrues të këtyre akteve të dhunës, Gjonaj u shpreh se shumë aktorë të këtyre partive janë regjistruar me zë e figurë në krye të protestave.
"Absolutisht. Si ministri i drejtësisë, si kryeministri e çdo qytetar duhet tja lëj në dorë organeve të drejtësisë. Jam prekur nga letra e shkruar nga babai i Klodjan Rashës. Protestat e dhunshme nuk do të japin drejtësi për 25-vjeçarin. Deklaratat e faktorit ndërkombëtar, ambasadorëve i kanë dhënë qartësisht se protestat janë mekanizëm i rëndësishëm për demokracinë por kur kthehen të dhunshme janë të paligjshme. Ato i janë drejtuar partive politike të distancohen nga dhuna në protesta. Policia do të kryejë punën e tyre. Do të duhet të menaxhojnë situatën që këto protesta të zbehen. Kemi rolin si shoqëri tu bëjmë thirrje prindërve të të miturve që të kontrollojnë fëmijët e tyre që po përdoren politikisht.
Të gjithë duhet të kemi mundësinë tu bëjmë thirrje organizatorëve që të shmangin aktet e dhunës. Ne kemi parë eksponentë të partive politike që kanë qenë pjesë e këtyre protestave. Prokuroria duhet të hetojë se kush qëndron pas protestave të të miturve. Ata nuk e kanë idenë as se çfarë po kryejnë. Pamjet me figurë e zë dëshmojnë se kanë qenë aktorë politikë të PD-së dhe LSI-së. Nuk besoj që dikush mendon se Voltana Ademi nuk ishte në protestë kur e kemi me zë e figurë. Nuk pres që kryebashkiakja të marrë gurë të godasë në protestë" - tha Gjonaj.
Ministrja Etilda Gjonaj tha se akti i dorëheqjes së Sandër Lleshaj nga Ministër i Brendshëm tha se ishte një akt dhe përgjegjësi morale, por se ai nuk kishte asnjë përgjegjësi ligjore për aktin e policit që vrau të riun Klodjan Rasha.
"Ministri i Brendshëm nuk ka asnjë përgjegjësi ligjore për aktet e një efektivi, ai nuk i dha urdhër për të qëlluar. Ministri dha dorëheqjen pas një përgjegjësie morale dhe ky është një akt i mjaftueshëm. Nuk e kuptoj pse duhet të kërkojnë dorëheqjen e drejtorit të policisë. Protesta kërkon drejtësi për vrasjen e Klodjan Rashës dhe këtë do e jap drejtësia, është në dorë të saj çështja. Nuk e kuptoj dhunën në protesta", tha Gjonaj
Ministrja e Drejtësisë, Etilda Gonaj tha se është e papranueshme dhe fatkeqësi se si kryerja e Bashkisë, duke iu referuar Voltana Ademit të nxisin të miturit për dhunë.
"Është shumë e vështirë për të rehabilituar të mitur që kanë kryer vepra penale dhe sot opozita i nxit të kryej akte të dhunshme. Është një fatkeqësi ku një drejtues si kryetar bashkie të nxisë të miturit të kryej këto akte. Të miturit janë tërësisht të paorganizuar në mënyrën si i kryejnë aktet e dhunës dhe po dëmtojnë edhe qytetarët e tjerë, jo vetëm policisë", tha Gjonaj
Ministrja e Drejtësisë Etilda Gjonaj në një intervistë për Report Tv foli mbi situatën e krijuar në vend nga protestat e dhunshme gjatë ditëve të fundit. Ajo e ka dënuar përdorimin e fëmijëve të mitur në protesta të tilla madje duke akuzuar partitë opozitare PD e LSI si nxitëse të tyre.
"Në rastin konkret është një akt individual. Në ndryshim nga 21 janari ku u urdhërua vrasja e 4 qytetarëve. Qeveria nuk i ka dhënë mbrojtje këtij efektivi të policisë. Janë organet e drejtësisë që duhet të nxjerrin e përgjegjësisë së policit. Nga protestat kërkohet drejtësi por nuk mund të ketë një vendim të menjëhershëm për këtë efektiv. Besoj se në këtë ngjarje, vetë qeveria nuk hidhte baltë në drejtësi siç nodhi më 21 janar. Ne nuk jemi si Sali Berisha që mbrojti gaditstët e 21 janarit ku mbetën të vrarë 4 persona. Ne kemi kërkuar të bëhet një hetim. Sot vëmë re se kemi një protestë të dhunshme. Nuk meriton të konsiderohet protestë përsa kohë që lidhet me aktet e dhunës. Të miturit janë nxitur nga segmente politike të PD-së dhe LSI-së. Janë përdorur nga subjekte politikë duke qenë dhe vetë prezent në protestë sikur ishte dhe rasti i Shkodrës. Të gjithë personat që nxisin akte të ndryshme penale përmes të miturve nën 14 vjeç dënohen deri më 4 vite burg.
Kjo është një fatqetësi shumë e madhe sidomos nga ato parti që flasin shumë për të rinjtë, se si këto largohen dhe se duhet të kenë më shumë vëmendje, por nga ana tjetër i përdorin. Prindërit duhet të kenë kujdes që fëmijët të mos përdoren nga politika. Rasti i Shkodrës, Voltana Ademi ka qenë vetë në protestë. Përpara se drejtuesit e institucioneve të marrin pjesë në këto protesta duhet të marrin parasysh përgjegjësitë e tyre ligjore dhe morale. Ndjej një keqardhje që për atë politikë që po ndërtojmë për të ndaluar të miturit të shkojnë në rrugën e krimit, e shohim që këto lëkunden nga parti politike që duan të marrin drejtimin e vendit. Opozita nuk vjen në pushtet duke përdorur fëmijët" - tha Gjonaj.
Komente
Lajme të tjera
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Protestat e dhunshme në Itali, plagosen 15 policë, reagon Meloni: E papranueshme
15 Nëntor, 17:11 -
Pensionistët dhe Lëvizja Bashkë protestë te Kryeministria: Hiqni dorë nga korrupsioni, që të na rritet pensioni!
12 Nëntor, 12:23 -
Presidentja e Gjeorgjisë nuk e njeh rezultatin zgjedhor, bën thirrje për protesta
28 Tetor, 08:09 -
Mblidhen ministrat e G7 në Napoli, protestuesit sfidojnë zonën e kuqe dhe përleshen me policinë! Hidhet gaz lotsjellës dhe goditet me shkopinj gome
19 Tetor, 19:14 -
Rrugëtimi drejt BE, deputetja Gjonaj në Report Tv: Brenda dhjetorit hapim negociatat për kapitujt e politikës së jashtme! PD në krizë, ne vijojmë punën
16 Tetor, 17:39 -
VIDEOLAJM/ Vrasja e dy vëllezërve në Roskovec, protesta e grave me të zeza para Apelit të Tiranës! Kërkojnë dënimin maksimal për autorët!
15 Tetor, 09:48 -
"Kryetarët e bashkive vijnë marrin votat e zhduken!" Banorët protestojnë për rrugët në Kukës e Lushnje: Kemi njerëz të sëmurë, nuk hyn ambulanca
11 Tetor, 14:21
-
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Diskutohen në kuvend reformat për institucionet demokratike! Tabaku: S'kemi ende reformë të plotë të Kodit Zgjedhor! PS: Të bashkëpunojmë për platformë konkrete, lini akuzat
20 Shtator, 14:51 -
VIDEO/ Minatorët protestojnë para Parlamentit, kërkojnë miratimin e Statusit
12 Shtator, 10:18 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55
Ja.fusni kot se sot ne diten e peste te protestave nuk Jane pare te mitur KESHTU QE RREZOHEN KETO SHPIFJE
PërgjigjuProblem eshte pjesmarria e te miturve ne protesta . Mirpo moshat 14--18 vjec e vleresojne veten si te afte te kryejn pune si vellezerit dhe motrat e tyre 19--25 vjec . Energjia e tyre i shtyn ata te bashkohen me me te rriturit , dhe nuk e dine dhe nuk ju duhet se jane minoren . Ata mendojne --me aq sa munden --te japin ndihmesen e tyre per problemet qe ngre shoqeria , pa interesa , pa lek . Prandaj cili-cila do qe i akuzon , se shkaterrojne , perkundrejt pagesave qe u bejne individ -qofshin keta politikane , hyn ne te drjten e tyre morale , ata kane personalitet dhe ju nuk duhet ty fyeni . Edhe minorenet shprehin pakenaqesi per mungesat e tyre ekonomike sociale dhe shoqerore . Varferia ekstreme e shumices derrmuse te popullit , a nuk ndikon drejtpersedrejti ne jeten e tyre ?. Ata mendojne se dicka do te zgjidhin , prandaje jane atje . Per ata qe bejne sikur shqetesohen , per prezencen e tyre , atje ku s'duhet ; dhe te punonin edhe per ta , duke i punesuar dhe mirpaguar prinderit e tyre . Leni lotet e krokodilit , lerini keqardhiet per femijet fukarenj , juve asqe ju ha , fare po fare , meraku per ta . Pse nuk thoni nje fjale per ekonomine e prinderve te tyre , por vetem mbroni ,me te gjitha menyrat dhe mjetet , interesat tuaja .Shkoni gjer atje sa s'kurseni as femijet --kur u preken interesat --, duke i perbaltur pa me te voglen pendese , edhe pse jane femije . E keqia femijeve , u ka ardhe dhe u vjen nga ju . Sigurisht edhe nga ne , qe ne emer te fjales se dhene , beses , nderit dmth virtytyt , zgjedhim , perpara se te mendojme e gykojme edhe per interesat tona .
Përgjigjubarrikada me femije kunder bombardimeve ne lufte eshte nje koncept i njohur, por per burracaket dhe diktatoret sadist si Milloshevici, Sadami dhe Gadafi.
PërgjigjuEdhe ti duhet te japesh dorheqje nuk je per kete pune je shume e politizuar dhe demton publikun
PërgjigjuBravo etilda,je shume e mire dhe profesioniste...
PërgjigjuNormal qe eshte yll me shtate cepa prandaj dhe i kishte nje nate hoteli 700 euro. Ku ku per kete popull te marre fund. Akoma nuk jemi tek siçilia e viteve 60, imagjino jemi akoma pa vajtur te ura.
Jam dakord me te gjitha gjerat qe keni thene... polici duhet te mbaj pergjegjesite e tija nese ka... voltana duhet te futet n burg njhere e mire se kete gje bene sa here i kerkohet nga udheheqja! Te djegi shkodren, kete beri dhe per zgjedhje, kete po ben dhe tani, kete do bej perhere sa here ti kerkohet.... ndaj mos ja vononi burgun. Ka mundesi mje qeli te mire te 325 moj ministre?
PërgjigjuFutini mos llapqesni studiove
PërgjigjuEvlad a po bindeni npraktik,se Krijusi i gjithsis i ka tgjitha tpa shterrshme,ma mir na bjen me pranu drejtsin,të bahemi tftoft si akulli tbut si kingji,islami asht me ne po na ndihmon ta bajm tokën ton parajs nji dhurat sado modeste e shton disponimin ton në familje,na ban të hareshëm,dhe të dashtun mes vete
Përgjigjupor ta shohim nga kendveshtrimi i kundert mund te vejme re se ishte nje krim i paralajmeruar...ushtaraket jane stervitur per te qelluar, e jo per te menduar...ministrin tjeter te brendshem se mos emeroni ndonje admiral.
PërgjigjuUshtaraku esht stervitur oer te qelluar.per te duruar dhe oer te sherbyer.mos ngaterro k@rin me dollarin.kir flas per ushtarak flas per keta pa parti.jo ata qe i nge partia ne detyr se ndryshojn.i pe ushtaraket kush jan besoj gjat termetit
Me 21 Janar o ministre nuk vrau policia por Garda e Republikes ne kundershtim te hapur te ligjit. Krahasim eshte idiot. Polici ishte ne krye te detyres sherbim patrrule. Nuk eshte akt individuale por akt ne krye te detyres ne patrrullim si qindra police te tjere neper Tirane. Nese ti ke me bythe bujrum arrestoji organizatoret sic arrestuat policin.
PërgjigjuJeni nje qeveri kaq koti sa hoqet Valdrinin se kishte genjy per formularin dhe nuk i prekni nje qime floku Voltanes qe organizon protesta te dhunshme.Kerkoni Stresin per ta arrestu si organizues dhe aty keni Voktanen qe nuk e arrestoni dot.Ik moj kokthar e fol me Ramen se populli nuk ha bar
PërgjigjuPopulli SHQIPTAR ju dha voten me besimin qe do benit shtet jo tju heqin zvarre dhe te beni sehire kur shkaterrojne dhe te qajeni si Kalamanje ne kanale televizive.Nje fjale popullore thote SHTETI I SE DREJTES po te doje e kap leprin me qerre,po me cfare shohim jeni ne gjume te thelle.