Vendimin e Gjykatës së Lartë për ta kthyer për shqyrtim në themel në Gjykatën e Apelit çështjen e vulës së Partisë Demokratike, sekretari për Çështjet Zgjedhore në PD, Rezart Kthupi e komentoi si legjitimim të partisë si palë ankuese.
I ftuar në studion e emisionit “Repolitix” me gazetarin Denis Minga në Report Tv, Kthupi tha se një vendim i tillë i Gjykatës së Lartë është më i vlefshmi në harkun kohor, duke e shkurtuar në njëfarë mënyre procesin.
“Jemi të kënaqur me vendimin e sotëm për 2 arsye. Nuk mendoj se ka palë të fituar. Së pari legjitimon ankuesin, që jemi ne. Zgjidhja në gjykatën e Apelit krijon vendim që është i vlefshëm aty për aty. Së dyti është eleminuar një hallkë e sistemit që do ishte e tepërt. Besoj se vlerësimi që bën gjykata është më i vlefshmi në raportin kohor”- tha Kthupi.
Ndërsa avokati Përparim Caca duke dhënë detajet për procesin, tha se me këtë vendim tashmë gjyakta e Apelit është e detyruar të japë një vendim përfundimtar duke mos e kthyer më çështjen në shkallën e parë. Por shtoi se me vendimin e sotëm, mbetet në fuqi vendimi i Agron Zhukrit që njeh si PD zyrtare grupin e Berishës.
“Gjykata e Lartë mund ta kishte zgjidhur sot çështjen, e ka tagrin. Por ka gjetur këtë lloj zgjidhje. Tashmë gjykata e Apelit është e detyruar të japë vendimin duke mos e kthyuer më çështjen në shkallën e parë. Nëse do kenë parasysh minimumin e përgjegjësisë uroj të kemi gjykim më të shpejtë të paktën në 6-mujorin e parë të vitit 2024. Unë besoj se nuk ka as fitues dhe as humbës. Me vendimin e gjykatës së Apelit ishte më e avantazhuar PD zyrtare. Por vendimi i Zhukrit është në fuqi që nga ai i ditës së sotme. Por nuk është i zbatueshëm sepse është vendim i shkallës së parë, nuk është vendim i formës së prerë”- u shpreh Caca.
Për ish-kreun e PD-së në Kukës, Ibsen Elezi vendimi i sotëm i jep më shumë frymëmarrje Sali Berishës. Por theksoi se ky i fundit tashmë nuk kontrollon më bazën e Partisë Demokratike siç mund të ketë qenë deri para zgjedhjeve vendore të 14 majit.
“Situata është siç ka qenë, thjesht i jep pak frymëmarrje Berishës. Sepse ka lënë në fuqi një vendim të shkallës së parë. Ajo që ka ndodhur është vazhdimësi. Degëzimi i Bashës është më i vogël se i Berishës. Por Berisha është minorancë në PD edhe pse është në mazhorancë krahasuar me Bashën. Po ta shohësh në terren shumica e demokratëve janë larguar. Është informacioni më i rremë që Berisha kontrollon bazën, janë mërzitur njerëzit, asnjë nuk e kontrollon më bazën”- u shpreh Elezi.
Ndërsa kreu i Lëvizjes së Re, Arian Galdini tha se PD prej 20 vitesh nuk i përket më askujt pasi tashmë është vetëm një pronë private dhe deputetët aktualë interesohen vetëm për të qenë në listë për të marrë mandat në zgjedhjet e ardhshme.
Lajme të tjera
-
Ktheu deputetët e përjashtuar në grupin e PD, Basha kallëzon në SPAK Nikollën: Cënoi interesin e vendimmarrjet e partisë
18 Prill, 08:59 -
I dha PD-në Berishës, gjyqtari Agron Zhukri me 1 miliard lekë pasuri, përballet me bilance negative në vlera të mëdha në KPK
17 Prill, 21:54
-
Edhe Bardhi ‘la jashtë’ Berishën nga grupi i PD-së? Nikollës s’i çoi një listë deputetësh! Analisti: Pse s’i kërkoi llogari Kuvendit! Meçe: Situata absurde
16 Prill, 21:53 -
Berisha jashtë grupit të PD, Kuvendi: Bardhi ktheu vetëm të përjashtuarit gjatë kësaj legjislature, ish-kryeministri s’ka qenë pjesë
16 Prill, 12:36 -
Nga rikthimi i të përjashtuarve në PD te ‘pakti’ PS-Rithemelimi, Alibeaj: Sakrifikuan Zgjedhoren! Politika të mbajë duart larg drejtësisë
15 Prill, 18:19 -
A do shkojë mandati i Xhaçkës në Kushtetuese? Deputeti i PS Krashi: E kemi marrë vendimin! Çaça: Gjykata e detyron parlamentin ta çojë
10 Prill, 21:33 -
Vula e PD-së nuk duhet të jetë njolla e PD-së
4 Prill, 20:43
-
'Manja duartroket Bardhin, ky harroi vilat e Nokës', Haklaj: Nga amnistia përfitojnë zyrtarët e PS! Cakrani: Vendimi për vulën e PD, brenda Majit
4 Prill, 18:13 -
Basha drejt Berishës? Hani: Vdekje politike për të! Kthupi: Zero shanse! Çaça: Gati të shkojë te 'babai'! Klosi: PD është kthyer në qesharake
3 Prill, 21:23 -
PD pa kandidatë në zgjedhjet e 14 majit, Bejko zbulon prapaskenat: Bardhi luajti lojën e Berishës! Vendimin e gjykatës për vulën e pranojmë, sfidojmë dhe Rithemelimin
2 Prill, 19:03 -
Vula e PD/ Sefa: Çdo palë të pranojë vendimin e Gjykatës! Bardhi mbledhje imagjinare të këshillit, s'mund ta çregjistrojnë Bashën
2 Prill, 18:40 -
Bardhi kërkoi çregjistrimin e Bashës së kryetar i PD, shtyhet seanca në Gjykatën e Tiranës
2 Prill, 13:03
