POP 5

Lajmet më të lexuara të 5 minutave të fundit

Politikë

Gjykata e Shkodrës i konfirmon mandatin kryebashkiakut Valdrin Pjetri: Na pret punë e madhe (VIDEO)

Vendimi u mor sot në një seancë ku ishte i pranishëm vetë kryebashkiaku Pjetri i shoqëruar nga përfaqësuesi ligjor i Partisë Socialiste Eridjan Salianji.

SHKODËR - Gjykata e Shkodrës mori sot vendimin për t'i vërtetuar mandatin Valdrin Pjetrit, si kryetar i Bashkisë së Shkodër i zgjedhur fitues në zgjedhjet vendore të 30 qershorit.

Vendimi u mor sot në një seancë ku ishte i pranishëm vetë kryebashkiaku Pjetri i shoqëruar nga përfaqësuesi ligjor i Partisë Socialiste Eridjan Salianji.

"Ne na pret punë e madhe për Shkodrën që duam, për Bashkinë që duam", tha Valdrin Pjetri pasi gjykata i vërtetoi mandatin. I pyetur se kur do të bëhet betimi i tij si kryebashkiak i ri i kryeqendrës së veriut, ai u përgjigj: "Kur të plotësohet afati 4-vjeçar i mandatit të kryetarit të bahskisë i marrë në 2015-ën, atëherë sipas procedurave standarde do të veprojmë edhe ne për bashkinë e Shkodrës. Ne kemi një vendim gjykate dhe unë besoj fort tek vendimi i gjykatës".

Ndërkohë, avokati Salianji sqaroi vendimin që dha sot Gjykata, duke sqaruar pse u rrëzua një kërkesë padi që kishte bërë Voltana Ademi, kryebashkikja në ikje, me pretendimet për parregullsi në procesin zgjedhor në Shkodër.

"Gjykata i ktheu aktet, një kërkesë padi paraqitur nga zonja Ademi, si me të meta procedurale, ligjore me arsyetimin që në bashkinë e Shkodrës janë zhvilluar zgjedhje konform kodit zgjedhor, dhe zoti Valdrin Pjetri është shpallur kryetar bashkie në kuadër të një procesi të rregullt ligjor dhe kjo është në vendimin e gjykatës që sapo morën", tha avokati Eridjan Salianji.

Seanca gjyqësore u drejtua nga gjyqtari Hasan Selimi.

Tre ditë më parë, kjo gjykatë e shtyu vendimin për konfirmimin e mandatit të Valdrin Pjetrit, për tu njohur me provat e paraqitura nga Bashkia e Shkodrës, e cila  u përfaqësua në këtë proces nga avokati Jordan Daci.

"Këto nuk ishin pretendimet e PD-së, ishin pretendimet e kryetares së bashkisë në detyrë, Voltana Ademi. Gjykata vendosi kthimin e padisë dhe akteve duke gjykuar që ky ishte vendimi i saktë për këtë rast. Ky rast ngre probleme të rëndësishme procedurale. Bëhet fjalë për një praktikë të pazhvilluar më parë. Vetë mekanizmi i ndërhyrjes në proceset në fjalë që është bërë dhe nga zonja Ademi është një risi në procedurën e gjykimit në Shqipëri. Gjithsesi ne nuk heqim asnjë presje pretendimeve tona përsa i përket parregullsive të fitimit të gjithë mandateve duke përfshirë edhe mandatin e sapovërtetuar nga Gjykata e Shkodrës. Nga pikëpamja ligjore dhe kushtetuese pretendimet e zonjës Ademi ishin të drejta. Dhe mendoj se ka akoma mjete juridike në dispozicion që do të përdoren nga zonja Ademi, institucionet e gjyqësor për të rivendosur të drejtat që mendojmë se na janë shkelur. Zgjidhja përfunditmare e gjithë pretendimeve për votimet e 30 qershorit do jepet nga Gjykata Kushtetuese që besoj do krijohet shumë shpejt, dhe shqiptarët do kuptojnë si fituesit dhe humbësit, se ishte mandat sipas kushtetutës apo jo", tha në një prononcim për mediat avokati Jordan Daci në përfundim të seancës gjyqësore.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shkodrani pa parti: 26/07/2019 15:27

    Me kembe te mbare,mendo cdo dite te punes tende per popullin e shkodres te cilin per 30 vjet hajdutet e PD e vodhen dhe dhunuan

    Përgjigju
  • Demokrati: 26/07/2019 13:58

    O shyqyr ma ne fund do na zhduket voltana nga ai post e gji ato te paafte. Edhe rrugen e velipojs per dy firma e la pa perfundu turp turp. Valdrin puna e par fillo nga gropat e shkodres e nga perfundimi I rruges se velipojs

    Përgjigju
  • Ha ha ha: 26/07/2019 11:06

    Tani te shohim se cdo te beje trimereshe Voltana do te jete edhe ajo trimereshe si Shote Galica sikur presidenti qe eshte trim si Vojo Kushi?

    Përgjigju
  • Muhamet Hajro: 26/07/2019 10:46

    Suksese z Kryetar me detyren e re si Kryebashkiak I kryeqendres se veriut Pune te mbare te uroj

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça