Gjyqtari pushon çështjen Tufa kundër Brahos për çështje procedurale! Avokati: Do e kallëzojmë për shpërdorim detyre (DOKUMENTI)

TIRANË - Gjyqtari i Tiranës Sokol Pasho ka pushuar çështjen për kallëzimin penal të ish kreut të Institutit të Krimeve të Komunizmit, Agron Tufës, kundër deputetit Spartak Braho për fyerje dhe shpifje ku kërkonte dëmshpërblim 250.000 leke. Me një vendim të marrë më 13 dhjetor të këtij viti, gjyqtari argumenton se nuk legjitimohet avokati për të përfaqësuar Agron Tufën në procesin gjyqësor ku Tufa është akuzues. 

Gjyqtari argumenton se prokurora që i është dhënë avokatit Kujtim Cakrani por edhe Arjon Besimatj, është e tillë: "Agron Tufa u ka dhënë të drejtë dhe kompetencë të plotë që në emrin dhe për llogari time edhe në mungesë time të kryejnë veprimet e mëposhtme juridike, duke më përfaqësuar dhe mbrojtur në hetim e gjykim për cështjen penale për të cilën po hetohem". Por gjyqtari Pasho argumenton se në këtë rast, Tufa është në cilësinë e akuzuesit , ndërsa kompetencat ia ka dhënë avokatëve lidhur me cështje penale për të cilat ai hetohet!.

Kështu, me vendimin e 13 dhjetorit, gjyqtari Pasho rrëzon padinë e bërë regjistruar në Dhomën Penale të Gjykatës së Tiranës më datë 5 dhjetor për fyerje dhe shpifje në lidhje me një botim të Brahos në median e shtypit të shkruar. 

LEXO EDHE:
Vrau dhe groposi Kejsi Hysën në 2018, autori ekstradohet nga Italia pas 6 vitesh arrati! I dënuar me 30 vite burg

Në një reagim për Report Tv, avokati Kujtim Cakrani tha se pasi të shqyrtojë vendimin, mund të kallëzojë penalisht gjyqtarin Sokol Pasho për shpërdorim detyre, pasi sipas tij ai nuk i ka thirrur palët për tu dëgjuar. 

"Prisnin të thirreshim nga gjykata për t'u dëgjuar si palë. Gjyqtari pasho ka shkelur procedurën, pasi nuk ka thirrur palën përfaqësuese ku të dëgjohesha për pretendimiet tona. Ai ka vendosur në Dhomë Këshillimi ku ka marrë vendim për pushimin e cështjes, është e pabazuar në ligj. Vendimi i gjyqtarit jemi pasi dëgjon palët, as ne as zoti Braho nuk janë thirrur. Nëse gjyqtari do thoshte që unë nuk kam tagrin ligjor për të folur, aty mund të vendoste pushimin e çështjea. Arsyetim ka nxjerrë, që ka avokati nuk ka tagrat e përfaqësimit. Gjyqtari i cështjes më duket i njëanshëm, akoma nuk e kam studiuar mirë vendimin e tij por unë mendoj se jemi edhe përballë shpërdorimit të detyrës nga ana e gjyqtarit. Nëse e faktojmë këtë do të dorëzojmë kallëzim penal për shpërdorim detyre", tha Cakrani.

Nga një vend i BE-së ku ka kërkuar azil politik, ish-drejtori i Institutit për Studimin e Krimeve dhe Pasojave të Komunizmit Agron Tufa paditi në prokurori deputetin socialist Spartak Braho. Më 3 dhjetor Agron Tufa u largua drejt Zvicrës dhe dha dorëheqjen prej aty nga posti i Drejtorit të Institutit për Studimin e Krimeve dhe Pasojave të Komunizmi.

Në padinë ndaj Brahos përmend deklaratat e tij të bëra ndaj Tufës që i konsideron shpifje dhe fyerje.

“…nga i akuzuari shtetasi Spartak Braho, i cili me anë të një artikulli në gazetën ‘Dita’ me titull ‘Pasi vodhi iku si të parët e tij ballistë’ të datës 4 dhjetor 2019 ka ‘fyer’ dhe ‘shpifur’ në forma të ndryshme si: ‘Hajdut e mashtrues i neveritshëm’, ‘njeri ordiner’ dhe ‘bëmat e ndyra të këtij njeriu’ si ‘vjedhjet e institucionit që drejtonte’, ‘abuzimet me paratë e taksapaguesve shqiptarë’ e ‘plagjiaturë në universitet’. Të tjera fyerje dhe shpifje pasojnë; ‘Ai (Tufa) iku i ngopur me lekët e shtetit dhe të kuvendit, tek të parët e tij që ikën si minj’ dhe ‘pavarësisht se zullumet e tij nuk kanë të sosur…për hajdutllëqet e tij’, ‘hajdut me vese tejet të rrezikshme shoqërore’, ‘milionat e qeverisë nuk i munguan dhe me siguri ka marrë me vete andej nga ka shkuar’.

Vendimi per pushimin e ceshtjes

TAG:
• agron tufa
• Sokol Pasho

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1635

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq