POP 5

Lajmet më të lexuara të 5 minutave të fundit

Dosje

Lajme nga emisionet

Ali Veli dhe Ramazan Jella/ ‘Gjyshërit e mi bamirës, që komunizmi ju mori jetën’

Në Tiranën dhe Durrësin e viteve ’40 të gjithë i njihnin familjet e pasura Jella dhe Veli. Këto dy familje përveç miqësisë së hershme dhe më vonë edhe krushqisë mes tyre, pas vendosjes së regjimit komunist do i lidhte edhe fati tragjik i persekutimit të gjatë.

Kjo është historia e dy pronarëve të mëdhenj të viteve ‘30-‘40 të cilët komunizmi ju rrëmbeu pronat dhe njërin e  burgosi për shumë vite ndërsa tjetrin e vrau në hetuesi.

I pari  Ali Veli, tregtar grosist me të parën anije veliere 250 tonëshe, që tregtonte mallra deri në Egjipt, kishte dhëndër Shefqet Bejën kryetarin e  grupit të deputetëve, dënuar me varje në litar pas “Gjyqit të deputeteve”. Pas vdekjes së Shefqet Bejës, dënohet me burg edhe Ali Veli bashkë me djalin e tij. Personazhi tjetër është Ramazan Jella i vrarë në hetuesi në maj 1948. Ai kishte martuar vajzën e tij të vetme me djalin e Ali Velit.  

Në Tiranën dhe Durrësin e viteve ’40 të gjithë i njihnin familjet e pasura Jella dhe Veli. Këto dy familje përveç miqësisë së hershme dhe më vonë edhe krushqisë mes tyre, pas vendosjes së regjimit komunist do i lidhte edhe fati tragjik i persekutimit të gjatë.

Luli Veli, është një pasardhëse e këtyre dy familjeve dhe ka vendosur të na rrëfejë një histori që i ngjan shumë  një filmi dramatik.  Dy gjyshërit e saj Ali Veli nga babai dhe Ramazan Jella nga nëna, janë fillesa e kësaj historie plot zigzage emocionesh, dramash, humbjesh por edhe dinjiteti, qëndrese dhe krenarie.

Luli tregon se gjyshi nga nëna Ramazan Jella u vra nga komunistët në hetuesi dhe e hodhën e nga dritarja për të ngritur hipotezën se u hodh vetë dhe u vetëvra.

Kjo humbje ishte një goditje e rëndë për të dyja familjet dhe vetëm një prej dramave të mëdha që do të përjetonin. Luli thotë se edhe burri i hallës së saj, Shefqet Beja po ashtu u dënua me vdekje nga komunistët me gjyqin e deputetëve dhe u var në litar.

Ndërsa gjyshi nga babai Ali Veli u arrestua bashkë me të birin Ramazan Velin, të dy at e bir me akuza të paqena, kur në të vërtetë, në prapaskenë luhej loja e grabitjes me dhunë e pasurisë së madhe që ata kishin.

Kjo valë e ashpër goditjeje kishte kthyer përmbys jetën e të gjithëve. Luli atëkohë ishte 5-6 vjeç  dhe kujton se nga jeta luksoze që bënin deri më atëherë do të përfundonin në mjerim të tejskajshëm.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05