Gjyshi: Për nipin do
kujdesem deri në vdekje
Nëna e e tij ka vdekur para dy viteve, ndërsa babai e ka braktisur atë që kur ai ishte 5 vjeç. Flavio Xhani tani është 9-vjeç dhe jeton me gjyshërit e tij në Kavajë.(Në foto majtas Flavio Xhani jetim, djathtas gjyshi i flavios Qemal Xhani.)
TIRANE - Nëna e e tij ka vdekur para dy viteve, ndërsa babai e ka braktisur atë që kur ai ishte 5 vjeç. Flavio Xhani tani është 9-vjeç dhe jeton me gjyshërit e tij në Kavajë. Në 20 maj, Ditën Kombëtare të Jetimëve, ai bashkë me gjyshin e tij kishin ardhur në Tiranë, për të marrë pjesë në aktivitetet që u organizuan për këtë ditë. Kur ai ishte 7 vjeç nëna e tij vdiq nga kanceri i gjirit, dhe që atëherë për të janë kujdesur gjyshërit. ”Flavio është djali i vajzës time. Flavio atëherë ishte 7 vjeç, kur ime bijë ndërroi jetë.
Vajza më vdiq nga kanceri i gjirit në 27 gusht të 2011 dhe që atëherë për Flavion kujdesemi unë dhe gruaja ime. Babai e ka braktisur atë që kur ai ishte 5 vjeç. Nuk e di se ku jeton, por thonë që ka vdekur në Greqi” tregon Qemal Xhani, gjyshi i Flavios. Qemali tregon se kur e bija e tij ishte sëmurë ajo i kishte kërkuar që ata te kujdeseshin dhe ta mbanin Flavion, ashtu siç ishin kujdesur për të. “Vajza jetonte këtu në Tiranë, por ku u sëmur më tha unë po iki, po dua të vdes në vendin tim dhe e morëm në Kavajë.
Ndërsa për Flavion më tha që dua të më kujdesesh shumë ashtu siç u kujdese për mua”. Ndonëse dashuria e nënës së tij i mungon prej 2-vitesh, kurse e babait prej 4 vjetësh Flavio tregon se nëna dhe gjyshi kujdesen shumë. “Që kur isha i vogël para se nëna ime të vdiste unë shkoja shpesh te gjyshi dhe gjyshja. Ndërsa tani jetoj me ta, ata kujdesen shumë për mua dhe më duan shumë”-tregon Falvio, i cili dje, ashtu si të gjithë fëmijët e tjerë, mbante të veshur një bluzë të bardhë ku në të shkruhej “Duam dashuri jetëgjatë, jo vetëm për fushatë”.
Ndihma ekomomike që marrin të moshuarit për t’u kujdesur për nipin e tyre 9-vjeçar nuk është e madhe, por nuk i ka penguar gjyshit të plotësojë dëshirat e një fëmijë 9-vjeç. “Marrim një ndihmë vetëm 8 mijë lekë në muaj dhe asgjë tjetër. Vështirësitë janë të shumta. Ne na ka ndihmuar edhe shumë kryetari i Bashkisë së Kavajës, Elvis Roshi. Ai e ka mbështetura shumë Flavion dhe ne” tregon Qemali, gjyshi i 9-vjeçarit.
“Flavio është një fëmijë shumë i mbarë, deri tani është shumë i mirë edhe me mësime ka dalë me 10-ta në shkollë” thotë Qemal Xhani. Flavio është një fëmijë shumë i zgjuar, në shkollë ai ka marrë edhe fletëlavdërim për rezultatet e larta në mësime, ndërsa lënda që atij i pëlqen më shumë është matematika. “I kam qejf të gjitha lëndët, por ajo që më pëlqen më shumë është matematika” tregon 9-vjeçari nga Kavaja.
Qemali i përlotur sa herë që flet për nipin e tij thotë se “Unë jam gjyshi i Flavios , por nuk paska gjë më të keqe se jetim në jetë. Unë dua të përgëzoj ata që për ditën e jetimëve kanë bërë gjithë këtë organizim dhe bëjnë diçka edhe për këta” tregon Qemali. Flavio ashtu si dhe fëmijët e tjerë, që kanë statusin e jetimit duan vetëm një gjë: që mos të braktisen edhe nga shteti.
Shkrimi u botua sot në gazetën Shqiptarja.com (print) 21.05.2013
Redaksia Online
(b.m/sqiptarja.com)
Sondazhi i ditës:
Çfare prisni nga sesioni i ri parlamentar?
-
Dialog
21.4%
-
Debat
54.4%
-
Nuk e di
24.2%
Vota total: 1192
Votat totale janë unike
Lajme të tjera
-
Hamasi: Pengjet vdiqën sepse Netanyahu nuk pranoi armëpushim
2 Shtator, 08:58
-
Zgjedhjet në Gjermani, aleatët e Scholz pranë largimit! Pas katastrofës elektorale, kancelari mund të bjerë pas 22 Shtatorit, Pistorius shihet si pasardhës
2 Shtator, 08:51
-
Tërmet politik në lindje të Gjemanisë/ Partia e ekstremit të djathtë fiton për herë të parë në zgjedhje rajonale
2 Shtator, 08:47
-
Francë/ Macron kërkon këshilla nga Hollande dhe Sarkozy për krizën qeveritare
2 Shtator, 08:38
-
VIDEO/ Me motor në malin e Korabit, tashmë destinacion i preferuar dhe për të pasionuarit e sporteve në terrene të vështira
2 Shtator, 08:36
-
Përplasje me armë mes 2 fiseve në Prishtinë, 1 i vrarë 5 të plagosur
2 Shtator, 08:15
-
Lufta në Rripin e Gazës/ Sulm ajror izraelit në shkollë, 11 të vdekur
2 Shtator, 08:07
-
'U ndjeva i huaj në familje!' Gjeniu i Matematikës dëshmon pas shuarjes së familjes në Itali! Nëna e quante 'Anjshtanji im', pse 17-vjeçari u bë vrasës (Detajet)
2 Shtator, 08:04
-
Kthjellime dhe vranësira kalimtare, parashikimi i motit për javën e parë të shtatorit
2 Shtator, 07:56
-
Do të shfuqizohet ligji për gjuhët? Reagime të ashpra në Maqedoninë e Veriut! Koalicioni 'Vlen': Nisma rrezikon të hapë kutinë e Pandorës
2 Shtator, 07:38
-
Pushimet mbaruan, Kuvendi nis sot sesionin e ri parlamentar! Pikat e nxehta: Xhaçka, mbetjet toksike të Kurum e reforma zgjedhore
2 Shtator, 07:33
-
Horoskopi, çfarë parashikon fati për ditën e sotme në të 12 shenjat
2 Shtator, 07:26