Arrestohet shqiptari në Terni të Italisë, goditi me thikë gruan dhe vajzën. Ngjarja ka ndodhur dje mbasdite rreth orës 16:00.
 
Disa fqinj të familjes shqiptare kanë dëgjuar debate dhe zhurmë në apartament dhe menjëherë kanë lajmëruar policinë.
 
Efektivët e policisë sapo hynë në dhomë kanë gjetur gruan 51-vjeçare që i kishte dy duart e gjakosura ndërsa me një peshqir mundohej të ndalonte hemoragjinë.
 
E pranishme ishte dhe vajza 23-vjeccare e cila gjithashtu kishte plagë në të dyja duart dhe babai 51-vjeçar që kreu krimin.
 
Nëpër të gjithë dhomën kishte njolla gjaku ndërsa pas kontrollit në taracë u gjet edhe thika me të cilin shqiptari plagosi gruan dhe vajzën.
 
Sipas policisë konflikti i cili fatmirësisht nuk pati pasoja më tragjike ka ndodhur për arsye sentimentale. Shqiptari është arrestuar ndërsa pritet që sot të jepet masa e sigurisë ndaj tij. 

Redaksia Online
Al.N/Shqiptarja.com