POP 5

Lajmet më të lexuara të 5 minutave të fundit

Sport

GOLAT/ Argjentina 'shkërmoq' 4-1 Brazilin në Klasike dhe merr një biletë për në Botëror! Messi e ndjek spektaklin nga TV

Në stadiumin "Monumental" të Buenos Aires, Argjentina u fut me dëshirën për të 'poshtëruar' rivalin. Bashkë me Argjentinën deri në këto çaste të kualifikuara zyrtarisht për në Kupën e Botës janë shtatë skuadra.

GOLAT/ Argjentina 'shkërmoq' 4-1 Brazilin në Klasike dhe merr një biletë për në Botëror! Messi e ndjek spektaklin nga TV

Argjentina feston me tifozët në 'Monumental'

Argjentina është skuadra e shtatë që siguron një biletë për në finalet e Botërorit 2026 që do zhvillohet në Amerikën e Veriut. Kampionët në fuqi të botës 'shkërmoqën' 4-1 rivalët e përjetshëm të Brazilit, në një ndeshje që mund të quhet edhe Klasikja e botës.

Në stadiumin "Monumental" të Buenos Aires, Argjentina u fut me dëshirën për të 'poshtëruar' rivalin dhe goli i parë nuk vonoi shumë. Pas vetëm katër minutave lojë ishte Julian Alvarez që zhbllokoi shifrat, para se Enzo Fernandez dhe Mac Allister të shënonin edhe dy herë të tjera në fraksionin e parë.

I futur nga stoli, Giovanni Simeone gjeti golin e katërt për vendasit. Ndërkohë për miqtë Cunha shkurtoi momentalisht në pjesën e parë. Kështu, kjo bëhet ndeshja e pestë radhazi që Brazili nuk mposht dot Argjentinën, paçka se Lionel Messi e ndoqi këtë sfidë nga ekrani për shkak të një dëmtimi. Brazili asnjëherë në kualifikueset e një Kupe Bote nuk kishte pësuar katër gola dhe diçka e tillë "djeg" kur vjen nga rivali më i madh.

Vlen të përmendet se bashkë me Argjentinën deri në këto çaste të kualifikuara zyrtarisht për në Kupën e Botës janë shtatë skuadra. Tre vendet organizatore që janë Shtetet e Bashkuara, Meksika dhe Kanadaja, si edhe Irani, Japonia dhe Zelanda e Re.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Mars, 18:47

    Fileto pule me salmonelë, sa të sigurta janë produktet që konsumojmë?

Lajme të tjera



×

Lajmi i fundit

Fronëzimi i Kryepeshkopit Joan, Meta: Ngjarje e madhe për historinë shpirtërore të kombit

Fronëzimi i Kryepeshkopit Joan, Meta: Ngjarje e madhe për historinë shpirtërore të kombit

29 Mars, 20:26