Arsenali dhe Crystal Palace barazuan të mërkurën 2-2 për raundin e 34-t në Premier Leaguen angleze të futbollit. Me këtë rezultat është Liverpooli që buzëqesh, pasi një pikë do e shpallte kampion të Premier League për këtë sezon, katër raunde nga fundi i kampionatit.

NDESHJA - Në "Emirates" ndeshja u zhbllokua nga Arsenali pas vetëm tre minutave lojë me golin e Kiwior, kjo pas pasimit final të Odegaard. Miqtë u përgjigjën dhe gjetën barazimin me Eze pas 27 minutash lojë. Ndërkohë që fundi i pjesës së parë solli golin e dytë të Arsenalit, me autor Trossard. Nuk ishte e thënë që Arsenali të shijonte tri pikë para tifozëve të vet, pasi një gabim i prapavijës solli një supergol të Mateta shtatë minuta nga fundi i ndeshjes.

RENDITJA - Liverpool me 79 pikë kryeson renditjen dhe ka shanse që të dielën para tifozëve të vete të shpallet zyrtarisht kampion i Premier League për herë të 20-të në histori, teksa i mjafton një barazim kundër Tottenham.

Arsenal me 67 pikë ndodhet në vendin e dytë, ndjekur nga Man. City me 61, Nottingham me 60 dhe Newcastle me 59-të.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera