ITALI - Serie A e futbollit nisi të premte me raundin e 2-të të sezonit të ri. Në mitikun 'San Siro' vendasit e Milanit morën fitoren e dytë në po kaq ndeshje të zhvilluara. Kuqezinjtë vuajtën, por mposhtën 2-0 Venezian.

Pjesa e parë u mbyll me rrjeta të paprekura, ndërsa gjithçka u zhbllokua në minutën e 69-të pas një kombinimi të bukur mes Saelemaekers dhe Gonçalo Ramos. Ky i fundit përfitoi nga pasimi brenda zonës dhe me të majtën ia ndali sferën në rrjetë portierit Stankovic. Për Ramos ky ishte goli i parë me fanellën e Milanit, pasi u afrua këtë verë nga PSG për shifrën e 74 milionë eurove.

Pas golit në fushë u fut edhe Ardon Jashari në vend të Luka Modric. Ishte pikërisht mesfushori shqiptar që 'gatoi' golin e dytë një minutë përpara fundit të ndeshjes, duke detyruar Redouane Halhal ta dërgonte topin në portën e tij.

Kështu, Milani ka dy fitore në këtë fillim sezoni duke bërë që trajneri i ri Ruben Amorim ta nisë mbarë aventurën në stolin e kuqezinjve.

Serie A. raundi 2 - e shtunë, 29 gusht 2026:

18:30 Fiorentina - Frosinone

18:30 Monza - Udinese

18:30 Sassuolo - Torino

20:45 Juventus - Parma

Rendit zhvillimet sipas orarit:
Ora 11:14
Milani dy fitore radhazi, Ruben Amorim: Kemi ende shumë punë përpara

1787994917_rubenamorim.JPG

Trajneri Ruben Amorim është me 'këmbë në tokë'. Milani i tij në dy ndeshjet e para të sezonit në Serie A ka marrë gjashtë pikë, por portugezi thotë se ka shumë punë përpara. Milani triumfoi 2-1 ndaj Torinos në transfertë në ndeshjen e parë, ndërsa në javën e dytë kuqezinjtë fituan 2-0 ndaj Venezias në 'San Siro'.

Pas fitores së djeshme kundër Venezias ai u shpreh se duhet të punojë edhe me mbrojtjen, që në rast sulmi të ekipit, edhe ata të dalin më përpara.

"Në këtë ndeshje, treguam se kemi ende shumë punë për të bërë. Vështirësuam punën tonë në situatat mbrojtëse një kundër një. Thashë se do të ishte një ndeshje më e vështirë se kundër Torino dhe kështu ndodhi. Dhe, pak nga pak, iu nënshtruam stilit të lojës së Venezia, duke marrë shumë rreziqe.

E futa Saelemaekers sepse kishim nevojë për cilësi. Ndonjëherë nuk fiton bukur, duhet të punojmë me mbrojtësit tanë, sepse kur sulmojmë, lojtarët tanë nuk duhet të qëndrojnë në vend, por duhet të jenë gati për t’u ngjitur sipër. Mund të marrim rreziqe, por ata duhet të jenë gati.

Sa gola i kërkova Gonçalo Ramos? Paguam shumë para për të, kështu që ai duhet të shënojë, por nuk i kërkova një numër specifik. Gjëja më e rëndësishme është se pas dy rasteve të para të humbura, erdhi i treti dhe ai shënoi me qetësi“, deklaroi Amorim.

S.Dh/Shqiptarja.com

S.Dh/Shqiptarja.com
Sa e vlerësoni këtë artikull?
★ ★ ★ ★ ★
3.0 / 5 (2 vlerësime)
LAJMET MË TË VLERËSUARA

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 24 Gusht, 21:21

    Si ju duket plani i qeverisjes i paraqitur në Pogradec nga Rama?

Lajme të tjera