POP 5

Lajmet më të lexuara të 5 minutave të fundit

Sport

Goli historik i një 16-vjeçari nuk mjafton, Dortmund i zhytur në krizë! Sot supersfida për vendin e parë mes Leverkusen dhe Bayern (VIDEO)

Goli historik i një 16-vjeçari nuk i ka mjaftuar Dortmundit për të dalë nga kriza. Kjo pasi verdhezinjtë janë mposhtur 2-1 nga Union Berlini, duke rënduar akoma më shumë situatën pas shkarkimit të trajnerit.

Borusia Dortmund po kalon një moment aspak pozitiv në Bundesligë. Duket se edhe shkarkimi i trajnerit Lucien Favre nuk ka sjellë ndryshim, pasi verdhezinjtë për llogari të javës se 13 të Bundesligës janë mposhtur 2-1 nga Union Berlini.

Pas një pjese të parë të mbyllur pa gola, në të dytën vendasit zhbllokuan të parët me Aëonji. Pa kaluar shumë Dortmund do të barazonte me Moukoko, një 16-vjeçar që futet në historinë e Bundesligës si futbollisti më i ri që ka realizuar në një moshë kaq të vogël. Ai ishte ekzaktësisht 16 vjeç e 28 ditë.

Gjithsesi kjo nuk do të mjaftonte për të dalë me pikë nga kjo ndeshje pasi Frienrich në minutën e 78 shënoi golin e fitores për Union Berlinin.

Sakaq sot do të luhet supersfida për vendin e parë të Bundesligës. Leverkusen që udhëheq kampionatin 28 pikë do të presë Bayern Mynchen që renditet i dyti me vetëm një pikë më pak. Të dy skuadrat kanë disa mungesa, por Bayern shihet si favorite për të marrë kreun.

Ndërkohë në La Liga Atletic Bilbao është kthyer te fitoret pas humbjes me Real Madrid. Baskët kanë mposhtu pastër 2-0 Huesca-n në një sfidë dramatike ku dy golat erdhën pas minutës së 86. Autorët ishin Kodro dhe Nunez.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Sylvinho përgatitet për Botërorin, merr rreze në vendlindje

Sylvinho përgatitet për Botërorin, merr rreze në vendlindje

27 Dhjetor, 12:33