Partia Demokratike ka reaguar pas grabitjes së postës sekrete të Prokurorisë së Durrësit mesditën e sotme. E ndërsa prokuroria e Durrësit deklaron se në materialet që janë grabitur nuk ka informacione që mund të konsiderohen si sekret shtetëror, por PD e cilëson deklaratën qesharake. Deputeti i PD, Enkelejd Alibeaj i bën thirrje kryeprokurores Arta Marku që të shpjegojë se çfarë përmbante posta dhe a kanë lidhje me hetimet për kryebashkiakun Dako.

I bëj thirrje Prokurorisë së Përgjithshme dhe policisë se cfarë përmbante posta sekrete, cili ishte institucioni dërgues dhe marrës dhe a ka lidhje me hetimet për kryebashkiakun e Durrësit Dako, a ka lidhje me hetimet për trafikun e drogës nga porti i Durrësit. Deklarata e prokurorisë së Durrësit është qesharake, dokumentet kanë rëndësi për aktivitetin kriminal të atyre. E vërteta është se pa shkëputjen e lidhjeve të qeverisë me krimin situata në vend do të përkeqësohet.

LEXO EDHE:
Celibashi thirrje partive: Tregoni burimin e parave! Të ashpërsojmë kontrollin për financimin e partive! Alibeaj: PS, burime të paligjshme financimi për fushatë

Deputeti i PD, Enkelejd Alibeaj

Ngjarja ka ndodhur gjatë orëve të paradites së sotme, ku kanë qenë dy persona, të cilët kanë sulmuar postierin dhe i kanë marrë dokumentet që kishte me vete. Dyshohet se dokumentet e marra janë me mbishkrime sekrete, por që nuk dihet ende të çfarë rëndësie janë ato, ndërsa grabitësit janë larguar menjëherë nga vendngjarja. Por, zyrtarisht Prokuroria e Durrësit deklaron se nuk ka pasur materiale të cilat klasifikohen si Sekret Shtetëror.

TAG:
• arta marku
• enkelejd alibeaj
• grabitje ne durres
• posta e prokurorise

Sondazhi i ditës:

A duhet të miratohet ligji për amnistinë fiskale deri në 2 milionë euro?

• Po

  45.1%

• Jo

  48.2%

• Nuk e di

  6.7%

Vota total: 193

• Sondazhi i ditës:

  A duhet të miratohet ligji për amnistinë fiskale deri në 2 milionë euro?

  Po Jo Nuk e di