POP 5

Lajmet më të lexuara të 5 minutave të fundit

Kronikë

Gramsh/ Gruaja denoncoi burrin për dhunë nga frika se mos e vriste, arrestohet 60 vjeçari

Guximi i një gruaje në qytetin e Gramshit ka shmangur një tragjedi në familje, apo përsëritjen e rasatit të Lefter Zhidrus.

Gramsh/ Gruaja denoncoi burrin për dhunë nga frika se mos e vriste, arrestohet 60 vjeçari

Foto ilustruese

GRAMSH- Guximi i një gruaje në qytetin e Gramshit ka shmangur një tragjedi në familje, apo përsëritjen e rasatit të Lefter Zhidrus.

Gruaja ka denoncuar bashkëshortin e saj për dhunë nga frika se mos e vriste. Kjo për shkak se 60-vjeçari kishte kallashnikov dhe 1400 fishekë. Për pasojë në pranga ka rënë Rustem Dërmyshi, 60 vjeç. 

"Në sallën Operative të Komisariatit të Policisë Gramsh ka ardhur një telefonatë nga një shtetase që jetonte në fshatin Zgjup, Gramsh, e cila ka kërkuar ndihmë nga Policia, pasi bashkëshorti i saj kishte ushtruar dhunë fizike dhe psikologjike ndaj saj dhe ajo ndihej e frikësuar se mund ta vriste, pasi në banesë kishte dhe armë zjarri.

Me marrjen e njoftimit, menjëherë shërbimet e Policisë kanë shkuar në vendngjarje dhe falë reagimit në kohë dhe punës profesionale është bërë i mundur parandalimi i përshkallëzimit të mëtejshëm të ngjarjes, duke arrestuar në flagrancë shtetasin R. D., 60 vjeç, banues në fshatin Zgjup, Gramsh.

Gjatë kontrollit në banesë këtij shtetasi iu gjetën dhe sekuestruan në cilësinë e provave materiale, një armë zjarri automatik dhe 1400 fishekë,  që i dispononte pa leje. Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme procedurale, për veprat penale “Dhuna në familje” dhe “Armëmbajtja pa leje”, njofton policia.

Arma e sekuestruar

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media irlandeze 'The Irish News': Shqipëria ndër destinacionet më të mira për pushime në 2025

Media irlandeze 'The Irish News': Shqipëria ndër destinacionet më të mira për pushime në 2025

8 Janar, 07:46