POP 5

Lajmet më të lexuara të 5 minutave të fundit

Bota

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

Kallëzim penal për dy persona për shkelje të ligjit për armët. Informacionet për qarkullim droge çuan Njësinë Antidrogë me qen kontrolli në burgun e sigurisë së lartë. Kontrolle në 8 qeli dhe 19 të burgosur. Gjenden 2 thika, 4 telefonë, karikues dhe sende të tjera

Greqi/ Policia bastis Burgun e Koridhalosit ku ka dhe shumë shqiptarë, kontrolle 19 të burgosurve! Gjenden thika të improvizuara dhe celularë

Thikat, telefonët dhe sendet e sekuestruara në Burgun e Koridhalosit

Greqi- Policia greke bastisi sot (22 Janar) Burgun e Koridhalosit (Korydallos), i cilësuar si një nga institucionet e vuajtjes së dënimit të sigurisë së lartë ku vuajnë dënimin persona me rrezikshmëri shumë të lartë, mes tyre edhe shumë shqiptarë.

Thika dhe celularë janë gjetur në orët e para të mëngjesit pas një kontrolli të befasishëm, i kryer nga Nëndrejtoria e Narkotikëve të Drejtorisë për Luftën kundër Krimit të Organizuar (DAOE).

Qëllim ka qenë goditja e trafikut apo shpërndarjes së lëndëve narkotike brenda qelive, bazuar edhe në informacionet që Policia e Shtetit, ELAS dhe EKAM, duke përdorur për kontroll edhe një qen policie antidrogë, të trajnuar posaçërisht.

Në kuadër të operacionit, në prani të prokurorit janë kontrolluar në 8 qeli, ku janë gjetur dhe konfiskuar gjithsej 4 aparate celularë, karikues, kabllo karikimi, ndërsa janë kontrolluar 19 të burgosur, dy prej të cilëve u konstatua se kishin 2 thika të improvizuara, informoi media.

Nuk jepen për momentin kombësitë e personave që iu gjetën sendet e ndaluara në qeli.

Ndaj tyre është ngritur një rast për shkelje të ligjit për armët, i cili do t'i kalojë Prokurorisë kompetente, ndërsa sendet e sekuestruara do t'i dërgohen Drejtorisë së Hetimeve Penale për analiza laboratorike.

Burgu i Koridhalosit, Greqi

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Raporti: Kina dhe Izraeli kryesojnë vendet që burgosin gazetarët

Raporti: Kina dhe Izraeli kryesojnë vendet që burgosin gazetarët

22 Janar, 20:10