POP 5

Lajmet më të lexuara të 5 minutave të fundit

Sport

Grumbullimi paraprak për Islandën dhe Moldavinë, ja 10 futbollistët nën urdhrat e Edy Rejas

Zbardhet lista e grumbullimit paraprak të Kombëtares në kuadër të dy ndeshjeve të qershorit  me Islandën dhe Moldavinë të vlefshme për Euro 2020. 10 janë futbollistët e Kombëtares  nën urdhrat e trajnerit Edy Reja që do stërviten gjatë kësaj jave në Durrës. Grumbullohen 3 futbollistë të Partizanit dhe rikthehen mbrojtësit Mihaj e Dermaku.

Trajneri Edy Reja nis që sot punën për dy ndeshjet eliminatore të Europianit 2020 ndaj Islandës më 8 qershor dhe Moldavisë tre ditë më pas. FSHF ka zbardhur edhe listën me lojtarët që do jenë të pranishëm në grumbullimin paraprak të kuqezinjve në Durrës.

10 janë futbollistët e Kombëtares së madhe që do të vihen nën urdhrat e italianit më shpejt se të tjerët pasi kanë mbaruar impenjimet me skuadrat e tyre. 3 futbollistë vijnë nga Partizani kampion i Shqipërisë dhe ata janë Bruno Telushi, Alban Hoxha dhe Lorenc Trashi. Edy Reja rikthen në Kombëtare mbrojtësit Enea Mihaj e Kastriot Dermaku që kanë zhvilluar sezon pozitiv me skuadrat e tyre dhe po ashtu pjesë e grumbullimit janë edhe Eros Grezda,Migjen Basha,Ergys Kaçe, Emanuele Ndoj dhe Ylber Ramadani.

Kjo javë stërvitore mbyllet të shtunën ndërsa të hënën tekniku Reja do shpallë listën e plotë në një konferencë për shtyp.

Jo vetëm 10 lojtarët e Kombëtares së madhe pasi gjatë kësaj jave nën urdhrat e italianit do jenë edhe 12 futbollistë të Kombëtares Shpresa të cilët janë grumbulluar nga trajneri Alban Bushi për ndeshjet e qershorit.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Lufta/ Tani në shënjestrën e Kievit janë depot dhe logjistika ruse, por edhe trupat e Penjanit

Lufta/ Tani në shënjestrën e Kievit janë depot dhe logjistika ruse, por edhe trupat e Penjanit

18 Nëntor, 08:05 nga Gianluca Di Feo*