Grupi i Rithemelimit bllokoi sërish seancën plenare, analisti: Duan të hyjnë në pazare me Ramën! S’ka situatë më komode se kjo për qeverinë

Analisti Namir Lapardhaja në një lidhje skype për “Sot Live në Shqipëri” me gazetarin Nertil Agalliu foli për seancën plenare të ditës së sotme e cila zgjati rreth 12 minuta pasi për shkak veprimeve penguese të deputetëve të Rithemelimit, u bënë të pamundura diskutimet mbi projektligjet që u miratuan.

Lapardhaja se me këtë metodë që po ndjekin deputetët e Rithemelimit dhe Gazment Bardhit, qeveria është në situatën më komode. Sipas tij, grupimi politik i Bardhit dhe Rithemelimit nuk kanë asnjë synim për Reformën Zgjedhore por për të bërë pazare me qeverinë.

“Nuk ka situatë më komode për mazhorancën sesa ajo e krijuar në Kuvend dhe në jetën politike. Është një grupim që nuk ka asnjë lloj pikësynimi politik por qoftë ai që është mbyllur në katin e 8 qoftë këta që u bien bilbilave, kanë pazare të tjera. Tani është e qartë sepse e kanë artikuluar, nuk u intereson një Reformë Zgjedhore por u intereson të kenë bashkëkryetarin e reformës. U itnereson të futen në Pazar me qeverinë e Edi Ramës, jo Reforma në vetvete”- tha Lapardhaja.

LEXO EDHE:
Vota e diasporës dhe problematikat e emigrantëve, Basha takim me bashkatdhetarët në Itali

Më tej analisti tha se një pjesë e madhe e deputetëve të Rithemelimit kanë probleme me drejtësinë dhe po përpiqen të shpëtojnë çfarë të munden. Por sipas tij, me paraqitjen e Berishës në SPAK për t’u marrë në pyetje, tashmë nuk do ketë më të paprekshëm nga drejtësia.

Në seancën plenare të ditës së sotme që zgjati rreth 12 minuta, u miratuan me 73 vota pro 4 projektligje të mazhorancës ndërsa u rrëzua projektligji i propozuar nga 3 deputetë të Partisë së Lirisë, Erisa Xhixho, Petrit Vasili dhe Monika Kryemadhi. 

B.V/S.A/Shqiptarja.com

TAG:
• Namir Lapardhaja
• Rithemelimi
• PD
• Kuvendi i Shqiperise