Gushti nis me fluks në Morinë, kosovarët drejt bregdetit, drejtori i Shëndetit Publik në Prizren: E pamundur t'i kontrollojmë për COVID

Edhe gushti ka nisur me një fluks të lartë në pikën kufitare të Morinit ndërkohë që në korrik mesatarja ditore e kalimeve në kufi drejt Shqipërisë dhe anasjelltas i kaloi mbi 10 mijë. Por gushti pritet të sjellë një mesatare ditore më të madhe për shkak se lëvizjet e shqiptarëve të Kosovës do të jenë më të mëdha. Por ky fenomen shihet si shqetësim nga autoritetet shëndetësore të Kosovës.

Fadil Kryeziu, drejtor rajonal i Shëndetit Publik në Prizren thotë se qytetarët e Kosovës që po lëvizin gjatë kësaj periudhe në dy anët e kufirit shihen si bartës kryesor të COVID-19, si për Kosovën dhe Shqipërinë dhe ekipet mjekësore në kufi e kanë të pamundur të kontrollojnë të gjithë udhëtarët, ndaj duhet të shihet një mundësi e re për të kontrolluar situatën e cila po rrit me shpejtësi numrin e të infektuarve. 

"Edhe kur testohen nuk na informojmë. Më shqetësues është numri i madh që shkojnë tutje, edhe e bartin edhe e sjellin në anën e kundërt infeksionin. Ne kemi ekip mjekësor që monitorojnë 24 orë, sidomos rastet që vijnë, por është e pamundur teknikisht që të depistohen rastet kur brenda një periudhe të shkurtër kalojnë 6 mijë persona. Për këtë arsye do të ishte më mirë të merren masa të tjera shtrënguese, pse jo edhe te heqja e ekipeve mjekësore por të ndiqen rastet, prej rastit në rast, që të kontrollojmë rastet e infeksionit" tha Fadil Kryeziu.

Çdo udhëtarë para hyrjes në Shqipëri, pyetet në doganën e Morinit nëse kanë shqetësime shëndetësore që mund të jenë shenja të COVID-it . Në rast se udhëtarët shprehen po, menjëherë policia kufitare njofton Njësinë Vendore të Kujdesit Shëndetësor Kukës, e deri në momentin e ardhjes së ekipit, udhëtari izolohet në dhomën e posaçme i ngritur brenda objektit të doganës së Morinit, që nga fillimi i pandemisë. Por deri më tani nuk janë raportuar raste të tilla.

Korriku sapo u mbyll, për Kosovën shënoi numrin me të lartë të të prekurve dhe viktimave nga koronavirusi. Po ashtu edhe në Shqipëri. E pavarësisht kësaj situate qytetarët e Kosovës nuk e kanë frenuar lëvizjen për pushime drejt Shqipërisë. Edhe fundjava e parë e muajit gusht ka shënuar një fluks të jashtëzakonshëm të hyrjeve në Shqipëri të qytetarëve Kosovarë me destinacion bregdetin shqiptar. Mësohet se këtë fundjavë (e shtunë e diel) kanë hyrë rreth 50 mijë pushues kosovarë.

Fluks ka pasur edhe në dy ditët e fundit të korrikut që përkoi edhe me festën e Kurban Bajramit. Bazuar në të dhënat e Policisë së Kosovës, mbi 12 mijë kosovarë kanë hyrë në Shqipëri, në fund të korrikut. Kujtojmë se në kufirin me Shqipërinë, Ministria e Shëndetësisë e Kosovës rishikoi vendimin dhe përjashtoi qytetarët e dy vendeve nga masat shtrënguese për kontrollet në kufi në kuadër të situatës me COVID-19. 

d.ba./Shqiptarja.com
  • Sondazhi i ditës:

    Gjyqtarë e prokurorë në 'sitë', a jeni dakort me rezultatet e deritanishme të procesit të vettingut?

Komento

Komente

  • Iris: 02/08/2020 22:18

    /SARANDA/shume mire bejne qe vijne me buke dhe domate.Me mire ushqim I thjeshte ,se sa t'u boshatisen xhepat nga matrapazet mashtrues te Shqiperise qe I detyrojne te paguajne dyfish ne menyre abusive ,aq me teper per ushqime me origjine,cilesi,sasi ,pasterti,dhe pergatitje te dyshimte dhe per sherbime jo cilesore.

    Përgjigju
  • ymeri: 02/08/2020 12:57

    ISHP TE VENDOSE NE MORINE NJE VASKE ME ACID QE TI DEZIFEKTOJE NGA COVIDI KINEZET....

    Përgjigju
  • saranda: 02/08/2020 12:55

    VIJNE ketu sepse nuk i pranon asnje shtet tjeter,,as mali i zi ,,as kroacia,,as greqia,,nuk i pranon keta morracake qe vijne me buke e domate me vete,,ne mal te zi shkon e gjithe paria e serbise,,,,ngrija taksen e rruges te kukesit o edi rama ,,,nga 5 ne 100 euro/makine,,,per c'fare te zgjodhem ne krye te qeverise,,,per kete pune te zgjodhem,,,dhe beje me pagese dhe rrugen tirane --shkoder,,dhe tirane -vlore-sarande...

    Përgjigju
  • Populli: 02/08/2020 10:25

    O shtet b*thq*rash. Mbyllni kufirin. Mos çoni dem jetet dhe te ardhmen per dhjeta dite plazh k*rvash. Do bllokoni gjithe shtetin o perversa per pese para dhe per k*rvllikun pa fund ne Shqiperi.

    Përgjigju
  • ani: 02/08/2020 10:16

    kta i kan mbyll portat per ne. pse neve duhet ti lejojme apo te na krimbin me covid. eshte i vetmi shtet shqiperia ku nuk funksionon reciprociteti ndaj dhe jemi qytetarevte kategorise se trete

    Përgjigju


×

Lajmi i fundit

John

Joe Biden zgjedh Kamala Harris si kandidate për zv. presidente të SHBA-së