POP 5

Lajmet më të lexuara të 5 minutave të fundit

Bota

Haiti, situata në vend tejet e rëndë, spitale të tejmbushura! Vendi vuan mungesë në ushqime dhe produkte higjene

Në Haiti pas tërmetit që i mori jetën më shumë se 2000 personave dhe që la qindra të pastrehë, gjendja vazhdon të jetë e rëndë, ende nën rrënoja gjenden trupa e të paktën 300 viktimave, ndërkohë që reshtjet nuk kanë të ndalur.

 

Gjendja në Haiti pas tërmetit shkatërrues që goditi vendin javën e kaluar vazhdon të jetë tejet i rëndë. Spitalet janë të tej mbushur, me persona të cilët kanë nevojë për ndihmë të menjëhershme, pasi janë me gjymtyrë të thyera dhe lëndime të tjera traumatike.

Në të njëjtën kohë pati edhe rritje të tensioneve për shkak të mungesës së ndihmës në zonat e thella të vendit , ndër më të goditurat nga tërmeti që vrau mbi 2,000 njerëz.

Shumë Haitianë shtëpitë dhe mjetet e jetesës të të cilëve u shkatërruan nga tërmeti me magnitudë 7.2 që goditi vendin më 14 gusht thanë se nuk ishin të sigurt të fillonin edhe rindërtimin.

Numri zyrtar i vdekjeve nga tërmeti është 2,189 persona, me rreth 332 persona të zhdukur. Por banorët në zonat rurale jugore ende po gërmojnë për trupa që besohet se gjenden nën rrënoja.

Dhjetëra mijëra shtëpi janë rrënuar, duke lënë shumë familje pa asnjë mundësi tjetër përveç të flenë jashtë pavarësisht reshjeve të mëdha të shiut gjatë natës. 

Arritja në zonat që kanë më shumë nevojë për ndihmë është penguar nga rrëshqitjet e dheut dhe dëmtimi i autostradës kryesore si dhe sulmet e bandave që kanë ndërlikuar udhëtimet midis kryeqytetit Port-au-Prince dhe pjesëve jugore të vendit ku prodhimet dhe qasja në ujë të pijshëm janë shkatërruar. 

Si pasojë e tërmetit prej 7.2 ballë që goditi më 14 gusht brigjet e Haitit, humbën jetën 2.189 persona ndërsa 12.268 të tjerë u plagosën.

Në tërmetin ku janë shembur ose dëmtuar mbi 100 mijë shtëpi, vazhdojnë punimet e kërkim-shpëtimit për më shumë se 300 persona të zhdukur.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet ti jepet Bashës një shans tjetër për të drejtuar PD-në?

Lajme të tjera



×

Lajmi i fundit

Tensionet në veri të Kosovës, Kodheli në ‘Kontrast’: Zgjidhja të vijë nëpërmjet dialogut! Vangjeli: Tryeza e vetmja rrugë që të zgjidhë ngërçin

Tensionet në veri të Kosovës, Kodheli në ‘Kontrast’: Zgjidhja të vijë nëpërmjet dialogut! Vangjeli: Tryeza e vetmja rrugë që të zgjidhë ngërçin

5 Qershor, 14:38