POP 5

Lajmet më të lexuara të 5 minutave të fundit

Politikë

Sociale

Hapet për qarkullim segmenti i ri rrugor Palasë-Dhërmi! Ministrja e Infrastrukturës inspekton punimet: Rrugë e hapur për pjesën e mbetur të sezonit

Segmenti i ri rrugor Palasë-Dhërmi është hapur për qarkullimin e automjete. Kështu njoftoi në Facebook kryeministri Edi Rama, të premten.

Segmenti i ri rrugor Palasë-Dhërmi është hapur për qarkullimin e automjete. Kështu njoftoi në Facebook kryeministri Edi Rama, të premten.

“Hapet për qarkullimin e automjeteve segmenti i ri rrugor Palasë-Dhërmi”, shkroi Rama, teksa bashkëngjiti një video të rrugës.


Punimet u inspektuan nga ministrja e Energjisë dhe Infrastrukturës Belinda Balluku, e cila tha se kjo rrugë do të jetë në funksion në javët e mbetura të sezonit turistik veror.

“Ndodhemi në aksin Palasë-Dhërmi. Kemi vendosur ta hapim në mënyrë provizore për javët që kanë mbetur në funksion të pushuesve. E kemi nisur një vit më parë. Kantieri ka ecur pa probleme. Kemi arritur në momentin për ta pasur të gjithë gjurmën të shtruar me konglomerat”, u shpreh Balluku.

Ministrja shpjegoi se rruga do të jetë në përdorim nga pushuesit deri në plazhin e Dhërmiut ndërsa pjesa tjetër do të lëvizin në rrugën tradicionale.

“Kjo rrugë është dizenjuar dhe ka qenë e menduar për t’i ardhur në ndihmë fshatrave turistikë që po ndërtohen në këtë zonë pjesë e investimeve strategjike. Ashtu kemi bërë edhe me këtë rrugë. Do të ndihmojë që të mos kemi më atë trafik të rënduar që kemi pasur në rrugën nga Palasa në Dhërmi. Kështu që të gjithë ata që do të aksesojnë zonën e Dhërmiut do të përdorin këtë rrugë ndërsa pjesa tjetër do të vazhdojë në rrugën tradicionale. Kjo është një rrugë që nuk shërben vetëm për lëvizje të automjeteve. Do të ketë vëmendje të plotë edhe te këmbësorët. Do të ketë pistë këmbësorësh dhe vrapuesish. Deri në 30 qershorin tjetër i gjithë projekti për këtë rrugë do të jetë i përfunduar me gjithë elementët që përmendëm përveç pistës së biçikletave. Për projektin tonë përfundojmë në datë 30 qershor të vitit të ardhshëm me të gjithë elementët e sigurisë”, tha Balluku.

Balluku bëri me dije se kanë përfunduar gërmimet për më shumë se gjysmën e tunelit të Llogarasë.

Ky segment ka një gjatësi prej 4.5 kilometrash dhe nis nga kryqëzimi i “Rrugë të Bardha” ku është parashikuar të jetë edhe dalja e Tunelit të Llogarasë dhe përfundon pranë ish-kampit të punëtorëve në Dhërmi.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ymeri: 28/08/2022 01:15

    E kane lene rrugen e ndroqit si i kane syte e vet.....ju mallkofte zoti ne shtate breza....

    Përgjigju
  • piromani: 28/08/2022 01:14

    shoku tarras ka te drejte rruga tirane--shkoder e ndertuar ne kohen e metes eshte per faqe te zeze,,,,me nje korsi,,,po vriten shqiptaret aty,,,,,nuk ka ndermend edi rama te beje kete rruge autostrade me tre korsi si e gjithe bota sepse do te vjedhe me ballukun,,,,duke i bere rruget me segmente,,,ne cdo segment kushedi sesa miliona euro vjedhin,,,dhe populli iken jashte,,,ne vend qe te bashkohet dhe ti djege keta pisa ne vilat e tyre.....

    Përgjigju
  • Rrema: 27/08/2022 07:51

    Turizem ka edhe ne zonen e kavajes karpen e deri ne divjake gati 30 km por rruget jane rruge dhish Edhe ato qe jane lene per te deshiruar

    Përgjigju
  • Shokutarras: 26/08/2022 20:40

    Ore nuk lat katund te jugut pa bere me autostrad. Nderkohe nga Tirana per ne veri kan ngelur rruget e zogut. Te shkon Tiran Shkoder, 100 km 3 ore. Fluksi me i madh i makinave ne Shqiperi esht nga Tirana ne Lac, me rrug dhish mes mobilerive te nikles

    Përgjigju
    • Baca: 27/08/2022 03:29

      Tynelin dhe aeroportin po e bejne per veten e tyre. Te aksesojne Palasen deri ne Jale per vilat "strategjike" qe sapo vodhen dhe do te vjedhin. Madje edhe antaret e SPAK perfshire gjykaten kane nga nje vile per te marre. Quhet shkalla siperore e krimit te organizuar:kapje e shtetit.

  • goni: 26/08/2022 19:37

    Naj riveshje durres tiran sbohet fjal eee….

    Përgjigju
  • Paul: 26/08/2022 17:03

    BRAVO,,,POR MOS HARRONI AKSIN ME RENDESI KOMBETARE MURIQAN-KAKAVIJE,,,AUTOSTRADE 3 ME TRE KORSI....

    Përgjigju
    • Pika e zezë: 26/08/2022 21:23

      Kanë bërë rrugë për veten e tyre or mik. Shikoje në hartë për kë rrugë bëhet fjalë. Se për të vajtur nuk ke shans. Green Coast nuk është Palasë

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça