POP 5

Lajmet më të lexuara të 5 minutave të fundit

Ekonomi

Hapja e dosjeve shton punën, Autoriteti: Duam fonde shtesë! Opozita: Ligji s’ka hyrë në fuqi, absurde shtesa e fondeve

Drejtuesja e autoritetit të dosjeve Gentiana Sula kërkoi fonde shtesë në buxhetin e vitit 2023, për shkak se të punës që do të shtohet edhe më shumë me hyrjen në fuqi të ndryshimeve ligjore për hapjen e dosjeve. Por opozita e quan absurd të kërkohen fonde për një ligj që nuk ka hyrë ende në fuqi. 

Autoriteti i dosjeve kërkoi shtesë fondesh në buxhetin e vitit 2023 për të përmbushur detyrimet që rrjedhin nga ndryshimet ligjore të miratuara së fundmi nga parlamenti për hapjen e dosjeve. Kryetarja e autoritetit të dosjeve Gentiana Sula tha në komisionin e Ligjeve se pa hyrë në fuqi ndryshimet e miratuara, volumi i punës për institucionin është shtuar 30 %.

‘Po ashtu edhe ndryshimet politike me vetedeklarimet e figurave të ndryshme për zgjedhje, lindin nevojën për shtesë stafi. E shohim veten me volum të shtuan, 30 % e shtuar puna me një vit më parë,. Pa hyrë në fuqi ndryshimet ligjore që priten. Kemi kërkuar buxhet shtesë edhe për shërbime në godinën e re. Mungon shtesa 7% e planifikuar nga qeveria për administratën. Pajisja me mjete teknologjike. Përmirësim i softëerit. Fonde edhe për të pagjeturit.’- u shpreh Sula, kryetare e Autoritetit të Dosjeve.

Por deputeti i opozitës Oerd Bylykbashi e konsideroi absurd faktin që kërkohet shtesë në buxhet për ndryshime që ende nuk kanë hyrë në fuqi.

‘Ju keni ende vakanca? Si po e investoni buxhetin e shtetit për një gjë që nuk ka hyrë në fuqi. Po për lustracionin keni parashikuar gjë? Ato ndryshime nuk deklasifikuan dosjet, procedura e hapjes nuk është deklasifikim. Neni i Ballës për hapjen e dosjeve, ka aq shumë kushte për të mos hapur asgjë.’- tha Bylykbashi.

Deputeti i PD Alibeaj kërkoi që në fondet për autoritetin e dosjeve të akordoheshin fonde për të investuar në burime njerëzore dhe teknologji për çështjen e të pagjeturve, ndërsa deputetja dhurata çupi kërkoi që burgu i Burrelit, ku qëndruan të dënuarit politikë në diktaturë të kthehej në muze

‘Burgu i Burrelit, ka qenë i vetmi politik deri në 1991. 186 të burgosur dolën kur u hap. Të kthehet në një vend pelegrinazhi, ta miratojmë fondin edhe po e kërkuat.’- tha Çupi.

‘Do bëjmë vend kujtese Spaçin dhe Tepelenën. Është nën varësinë ministrisë së drejtësisë, por mund të fillojmë punën për mbledhjen e materiale.’- u shpreh Sula.

‘Një pjesë e këtij burgu, mund të kthehet në muze kombëtar, unë do e kërkoj këtë.’- tha Çupi.

‘Çështja e gjetjes së eshtrave, kërkon buxhetim për burimet njerëzore. Sa është nevoja në burime njerëzore apo teknologji për të pagjeturit?’- u shpreh Alibeaj.

Ndërkaq avokatja e Popullit ngriti shqetësimin në Komision se për vitin 2023, buxheti parashikon ulje fondesh krahasuar më këtë vit. Ajo kërkoi shtesë fondesh për shpenzimet operative. Po ashtu edhe shkolla e magjistraturës kërkoi shtesë fondesh për çështjen e bursave të studentëve magjistratë. 

  

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15