POP 5

Lajmet më të lexuara të 5 minutave të fundit

Kronikë

Hapja e madhe rriti shifrat e Covid-19, piku në gusht, Alimehmeti: Tek rastet e reja po vihet re një rënie e lehtë

Piku i koronavirusit në Shqipëri në 6 muaj të pandemisë, është shënuar në gusht, muaj në të cilin është reflektuar edhe numri më i lartë i testeve të kryera për identifikimin e rasteve të dyshuara. Nga 316 jetë të humbura deri më 6 shtator, 127 vdekje kanë ndodhur vetëm në muajin gusht. Mjeku epidemiolog Ilir Alimehmeti tha për ReportTv se gjatë shtatorit pritet një lloj përmirësimi i situatës.

3 muajt e verës që përkojnë me hapjen e bizneseve dhe lehtësimin e masave pas periudhës së karantinës, ndikuan në përkeqësimin e situatës së koronavirusit në Shqipëri. Në një bilanc të shifrave që ReportTv bën nga qershori e deri më 31 gusht janë konfirmuar 8.376 raste nga 10.255 që aktualisht janë në total që nga rasti i parë me COVID-19, në muajin mars. Pra, 3 muajt e parë, shënuan vetëm 2 mijë raste, një shifër dukshëm e ulët me mbi 8 mijë në fazën e rihapjes.

Piku i rasteve të reja dhe i jetëve të humbura është shënuar në muajin gusht. 127 pacientëndërruan jetë nga COVID në 31 ditët e gushtit, thuajse sa gjysma e viktimave që ishin shënuar që nga nisja e pandemisë, 284 fatalitete. Mosha mesatare e viktimave gjatë muajit gusht është 67 vjec.

Ky ndryshim i dukshëm, erdhi dhe si pasojë e rritjes së numrit të testeve ditore për të identifikuar pacientët me COVID. Gjatë tre muajve qershor-korrik-gusht janë kryer në total 43.634 testime, nga të cilat mbi 21 mijë vetëm në gusht, reflektuar kjo edhe nga numri më i madh i të prekurve.

Qarku me i prekur nga COVID-19 është Tirana, që deri më datë 6 shtator shënon 2.045 qytetarë aktiv me virusin, e po ashtu mban edhe numrin më të lartë të viktimave. Nga 316 vdekje në 6 muaj epidemi, 152 i përkasin kryeqytetit.

"Përmirësimi i situatës COVID në vendin tonë pritet të vijë gjatë muajit shtator.Sinkron - "Duken qartë se shifrat raportohen përditë zyrtarisht gushti ka qenë muaji deri më sot me i keq, shtatori presim një lloj përmirësimi por duket se do ta ndjek deri diku atë, do kujtojmë që vdekjet dhe shtrimet në spitale ndjekim rreth dy tre javë rastet e reja, atëherë kur kemi pasur kulmin e rasteve të reja, dy tre jave më pas presim edhe problematiken nga Covid-19. Dimë që ky kulm është arritur në java dytë e tretë e gushtit, kështu që do të thotë jemi për sa i përket shtrimeve në spital dhe vdekje nuk po e shohim rënien. Ndërkohë me rastet e reja po vihet re një rënie të lehtë", shprehet më tej epidemiologu Ilir Alimehmeti.

Në Tiranë zonat e mbipolluara, janë vatrat më të nxehta COVID, si Astiri, ish-blloku, Komuna e Parisit, Lapraka, Kinostudio, Fresku, Kombinati e Paskuqani. Mbas Tiranës qarqet me të prekura nga koronavirusi janë Durrësi dhe Shkodra.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agjencia funerale Paqe 03: 08/09/2020 01:15

    Me keto ritme te jeteve te humbura nga Covid-19 edhe varrezat nuk do te kene me vende.

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

26 Prill, 22:49