Ndryshe nga vendimi i Dhomës Kombëtare të Avokatisë e drejtuar nga Maks Haxhia, Dhomat Vendore të Avokatisë në Vlorë, Shkodër, Lezhë, Gjirokastër, Korçë dhe Lushnjë kanë njoftuar bojkotin e seancave gjyqësore deri më datë 24 qershor. Ndërsa në datën 21 dhe 22 qershor avokatët thanë se do bojkotojnë edhe masat e sigurisë, gjë e cila nuk ka ndodhur më parë dhe mund të shkaktoj kaos në drejtësi.
Gjykatat i janë rikthyer normalitetit në qarqet Tiranë, Durrës, Fier, Berat, Dibër dhe Kukës. Pro hartës së re gjyqësore është shprehur dhe Shoqata Kombëtare e Gjyqtarëve duke argumentuar se shërbimi gjyqësor do të jetë më cilësor.
Kujtojmë se harta e re gjyqësore ka sjellë diskutime dhe reagime mes avokatëve. Dhoma e Avokatisë vendosi bojkot të të gjithë seancave të gjyqësorit për 4 ditë, ndërsa kundër kanë dalë avokatët penalistë që shkojnë në seanca sepse mendojnë që çështja duhet të shkojë në Gjykatën e Kushtetuese për të kundërshtuar KLGJ.
13 gjykata të shkallës së parë, 2 gjykatë administrative dhe 1 gjykata apeli për të gjithë vendin. Ky është përfundimisht propozimi i Këshillit të Lartë Gjyqësor për hartën e re gjyqësore në vend pas muajsh konsultimesh me grupet e interesit. I vetmi ndryshim nga propozimi i kaluar është se është shtuar një gjykatë e shkallës së parë në Sarandë që me propozimin e kaluar ishte hequr. KLGJ ka miratuar draftin i cili tashmë pritet të kalojë për mendim në Këshillin e Ministrave, Këshillin e Lartë i Prokurorisë, Prokurorisë së Përgjithshme dhe Ministrisë së Financave. Me vendimin e ri shkrihen gjykatat në Tropojë, Krujë, Lushnje, Pogradec, Krujë, Mat, Përmet, Kurbin, Kavajë, Pukë.
Report Tv ka siguruar relacionin e Këshillit të Lartë Gjyqësor i cili shpjegon se për të arritur në draftin me 13 gjykata të shkallës së parë nga 22 dhe në një apel nga 6 që kishte më parë ata kanë marrë modelet, Daneze, Portugeze, Suedeze, Holandeze dhe modelin e Moldavisë.
Harta e re gjyqësore ngriti sërish në protestë avokatët e Lezhës. Ata u mblodhën para Gjykatës së Lezhës, duke bërë të ditur qëndrimin e tyre me bojkot dhe te masave te sigurisë për 2 dite me radhe, ndërsa duke nisur nga dita e marte protestave do ti bashkohen dhe qytetaret.
Ndërkohë Dhoma e Avokatisë Shkodër ka paralajmëruar një protestë ditën e mërkurë në orën 18:00 nën sloganin “Shqipëria jemi dhe ne. Mos i mbyllni Gjykatat”.
Harta e re gjyqësore e miratuar nga Këshilli i Lartë Gjyqësor ka hasur në pakënaqësitë e avokatëve në mbarë Shqipërinë të cilët shprehen se kjo ndarja e re do u rëndojë qytetarëve pasi do rrisë kostot e gjyqeve dhe do zgjasë seancat.
Por nga ana tjetër Shoqata e Gjyqtarëve është shprehur pro kësaj pasi sipas tyre i përgjigjet më së miri nevojave të qytetarëve.
Përgjatë javës 375 gjyqe nuk do të zhvillohen nga bojkoti i lajmëruar dy ditë më parë nga Dhoma Vendore e Avokatisë Vlorë.
Sipas vendimit ditën e martë dhe të mërkurë do të bojkotohen edhe masat e sigurimit , çfarë sipas avokatëve do të çonte në kolaps sistemin. Sipas të dhënave nga kancelaritë pranë gjykatave deri në këto momente nuk ka të parashikuara masa sigurimi.
1-Gjykata e Apelit
Dt 20 - 19 cështje nga të cilat 4 janë masa sigurimi
Dt 21 - 1 cështje
Dt 22 - 17 cështje
Dt 23-24 nuk janè caktuar ende pasi janë në seminar
Total 37 cështje
2-Gjykata e Rrethit Gjyqêsor Vlorê
Dt 20- 54 cështje
Dt 21- 68 çështje
Dt 22- 58 çështje
Dt 23- 47 cështje
Dt 24 - 7 cështje
Total 234 cështje
3-Gjykata Administrative
Dt 20 - 25 cështje
Dt 21 - 21 cështje
Dt 22- 21 cështje
Dt 23 - 22 çështje
Dt 24 - 15 cështje
Total 104
Total 375 gjyqe përgjatë javës
Shoqata Kombëtare e Gjyqtarëve është shprehur pro hartës së re gjyqësore të propozuar nga KLGJ. Në një njoftim për shtyp Shoqata e gjyqtarëve thotë se harta i përgjigjet më së miri nevojave të qytetarëve dhe se do të shërbejë jo vetëm për të zbutur sado pak pasojat e këtij procesi të nevojshëm për sistemin e drejtësisë, por edhe për t’i dhënë vendit një shërbim gjyqësor sa më cilësor në të ardhmen.
‘Shoqata Kombëtare e Gjyqtarëve të Republikës së Shqipërisë ka ndjekur me mjaft vëmendje dhe interes të gjithë procesin e hartimit të dokumentit analitik të hartës së re gjyqësore të përgatitur nga Këshilli i Lartë Gjyqësor, në konsultim dhe bashkëpunim edhe me aktorë të tjerë të procesit.
Reforma në sistemin e drejtësisë, e mbështetur që në krye të herës nga ana e Shoqatës me mendime dhe nisma propozuese, si një ndër qëllimet e saj kryesore ka ndërtimin e një pushteti gjyqësor efiçent, në pikëpamje kohore, cilësore dhe ekonomike. Për ta realizuar këtë lipset projektimi i një strukture gjyqësore që ta maksimizojë këtë qëllim si dhe një shpërndarje e studiuar e burimeve njerëzore në këtë aspekt.
Edhe pse procesi i vettingut krijoji boshllëqe të mëdha në pushtetin gjyqësor kjo nuk e zbehu aspak, përkundrazi e shtoi vendosmërinë e subjekteve të angazhuara në procesin e skicimit të hartës së re gjyqësore, e cila do të shërbejë jo vetëm për të zbutur sado pak pasojat e këtij procesi të nevojshëm për sistemin e drejtësisë, por edhe për t’i dhënë vendit një shërbim gjyqësor sa më cilësor në të ardhmen.
Shoqata Kombëtare e Gjyqtarëve të Republikës së Shqipërisë vlerëson maksimalisht punën gati tre vjeçare të udhëhequr deri më tani nga Këshilli i Lartë Gjyqësor lidhur me analizën dhe projektimin e hartës së re gjyqësore.
Gjithashtu, Shoqata shprehet se harta e re do t’i përgjigjet më së miri nevojave të qytetarëve për dhënien e një drejtësie cilësore dhe në kohë të barabartë për të gjithë. Specializimi i gjyqtarëve dhe ecja me shpejtësi të njëjtë e çështjeve të ngjashme, në të gjithë gjykatat e Republikës, përbën një synim dhe sfidë që do të përmbushet pa më të voglin dyshim nga riorganizimi gjyqësor i parashikuar në këtë dokument.
Për këtë shkak, ajo mbështet dhe inkurajon miratimin sa më parë të këtij dokumenti me rëndësi strategjike për të tashmen dhe të ardhmen e drejtësisë në vendin tonë. Së fundi, Shoqata shprehet e angazhuar që, si gjithmonë, të mos e kursejë ndihmën e saj për çdo iniciativë që çon në përmirësimin e standardit të dhënies së drejtësisë në vendin tonë.’- thuhet në reagimin e Shoqatës së Gjyqtarëve.
Lajme të tjera
-
Kërkuan shfuqizimin e hartës së re gjyqësore, Kushtetuesja rrëzon Dhomën e Avokatisë dhe Komitetin e Helsinkit
27 Dhjetor 2023, 15:55 -
Harta e re gjyqësore, Kryeprokurori te ‘Ligjet’: Na duhen fonde për godina të reja! Veliajt i kemi kërkuar shesh ndërtimi
6 Qershor 2023, 15:44 -
Miratimi i hartës së re gjyqësore, Kolmaraku: Ka kosto për qytetarët, i cenohet aksesi në drejtësi
21 Korrik 2022, 20:36 -
Qeveria miraton Hartën e re Gjyqësore, shkurtimi i gjykatave fillon nga shkurti i vitit të ardhshëm! Avokatët: Do ta çojmë në 'Kushtetuese'
21 Korrik 2022, 10:10 -
Harta gjyqësore, Lena: Bojkoti i avokatëve do të përfundojë kur te kemi një VKM, çështja më pas do të ndiqet ligjërisht
18 Korrik 2022, 12:49 -
Merr fund bojkoti, avokatët e Elbasanit dhe të Korçës i kthehen sot zhvillimit të masave të sigurisë
18 Korrik 2022, 10:28 -
Harta e re gjyqësore, avokatët protestë para KLGJ! Maks Haxhia: Do e çojmë në Kushtetuese
14 Korrik 2022, 10:46 -
Avokatët shtyjnë bojkotin edhe për 10 ditë! Haxhiaj për Report Tv: S’braktisim masat e sigurisë për të miturit! Javën e ardhshme protestë përpara KLGJ
7 Korrik 2022, 13:57
-
Dështimi i bojkotit të masave të sigurisë, avokatët ‘përplasen’ mes tyre! Haxhia thërret mbledhjen me urgjencë, ja mesazhi
6 Korrik 2022, 09:24
-
Prej ditësh bojkot i përgjithshëm i avokatëve, Ministria e Drejtësisë dhe KLGJ: Nuk ka negociata, sugjerimet e tyre janë marrë parasysh
5 Korrik 2022, 10:35
-
Harta e re gjyqësore, avokatët në Tiranë thyejnë bojkotin e masave të sigurisë
2 Korrik 2022, 11:20 -
Harta e re Gjyqësore, Rama: S’ka për të ndryshuar, bojkoti është pa vlerë! Reagon Dhoma e Avokatëve: Zgjidhje ka, s’është presion por të na dëgjohet zëri
1 Korrik 2022, 13:41
