TROPOJË-Valbona mund të shpëtojë nga betonizimi dhe shkatërrimi. Gjykata e Lartë ka vendosur të pezullojë sot ndërtimin e HEC-eve mbi Valbonë nga kompania GENER 2, deri kur të merret një vendim i formës së prerë për këtë çështje të rëndësishme. Gjykata e Lartë ka pranuar kërkesën për pezullimin e banorëve të 27 fshatrave të Bashkisë Tropojë, Shoqatës “TOKA” dhe Shoqatës për Ruajtjen dhe Mbrojtjen e Alpeve Shqiptare, duke ndaluar çdo veprim mbi Valbonë. Banorët dhe shoqatat kundërshtojnë projektin e ndërtimit të 2 hidrocentraleve Dragobia dhe Cerem në Parkun Kombëtar të Luginës së Valbonës nga kompanitë “GENER 2” dhe “DRAGOBIA ENERGY” të Bashkim Ulajt.
Palë në këtë proces janë edhe Ministria e Energjisë dhe Industrisë, Agjencia Kombëtare e Mjedisit, Ministria e Mjedisit, Këshilli Kombëtar i Territorit dhe Agjencia e Zhvillimit të Territorit, institucione të cilat në kohë të ndryshme kanë marrë pjesë në dhënien e lejes për ndërtimin e HEC-ve mbi Valbonë. Beteja kundër betonizimit të Valbonës ka nisur që në vitin 2015. Banorët e 27 fshatrave të Tropojës kanë denoncuar falsifikimin e procesverbaleve të konsultimit me publikun, që ishin pjesë e dokumentacionit të kompanive që morën të drejta për HEC në Valbonë. Kompanitë kanë paraqitur dokumentacion sikur banorët ishin dakord për ndërtimin e HEC-eve.
Por, banorët dhe shoqatat pretendojnë se firmat janë falsifikuar dhe se në listën e firmëtarëve kishte persona të vdekur tre vjet para përpilimit të procesverbaleve. Banorë të tjerë pretendojnë se nuk kanë firmosur kurrë. Gjykata e shkallës së parë në Tiranë rrëzoi banorët dhe vendosi në favor të kompanisë. Por, Gjykata Administrative e Apelit, në qershor të vitit 2019, vendosi të pezullonte punimet deri në një vendim të përfundimtar. Në këto rrethana ndodhi çudia. Disa javë më pas, gjyqtari Sami Ujkashi i gjykatës së shkallës së parë Tropojë vendosi të bllokonte zbatimin e vendimit të Gjykatës së Apelit për pezullimin e punimeve, duke vendosur kështu vijimin e punimeve.
Krahas betejës ligjore, që nga viti 2015 ka pasur protesta dhe rezistencë nga banorët e Dragobisë, të cilët kanë kundërshtuar ndërtimin e HEC-ve mbi Valbonë. Në disa raste janë bllokuar edhe rrugët, sidomos pas shpërthimeve të kryera prej kompanive, duke shkarkuar dëme në shtëpi dhe rrjeti elektrik. Ndërkaq, në vjeshtë e vitit 2018, grup aktivistësh ndërkombëtarë dhe banorë të luginës së Valbonës bllokuan për disa orë hyrjen e kantierit të hidrocentralit Dragobia. Megjithatë punimet vazhduan. Parku Kombëtar i Luginës së Valbonës është një nga pikat më të bukura natyrore të Shqipërisë dhe një atraksion turistik, që çdo vit i sjell të ardhura banorëve të zonës përmes vizitorëve dhe turistëve. Parku gëzon mbrojtje të veçantë nga ligji që vitin 1996.
Vendimi i Gjykatës së Lartë për sigurimin e padisë
Vendimi i Gjykatës së Apelit 2018 që pezullon ndërtimin e HEC-ve në Valbonë
.JPG)
Vendimi i gjyqtarit Sami Ujkashi i shkallës së parë Tropojë që bllokon zbatimin e vendimit të Apelit (2019)
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zhdukja e australianit në Valbonë, gazeta 'The Advertiser' ndërton kronologjinë e ngjarjes
23 Nëntor, 12:55 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46
U lutem gazetareve qe ne artikuj te tille ne te ardhmen te saktesojn edhe emrin e ministrave qe ka dhene lejet/koncesionet, ne menyre qe mos te abuzohet me lloj lloj komentesh per sa u perket abuzimeve. Lexuesi duhet te informohet mbi detaje te tilla. Flm!
PërgjigjuGjykata jep vendimin per pezullimin e punimeve ndersa policia e tropojes bashk me kryetarin e bashkis se tropojes nuk marin as nje mas per ndalimin e punimeve por i lejojn te punojn edhe naten ky esht nje krim shum i madh i cili ju ka be valbones qytetit te bajramcurrit
PërgjigjuUroj me gjithë zemër! Në një spital në Milano në 2008 një italian më fliste me pasion për Valbonën e aventurat me kajak që kishte përjetuar! Dhe unë krekosesha për faktin që ndodhej në Shqipëri. Po t'a takoj prapë, në k di çfarë t'i them!!!!!
PërgjigjuCar sistemi, nje gjyqtar (per me teper nga Tropoja vete) rrezon vendim apeli. Gjoja kemi edhe ligj per konsultimin publik, aty dalin ca qe kane nderruar jete.
PërgjigjuMbase do shpetoj edhe natyra nga hijenat e Shqiperise ....
PërgjigjuLajm i mire. Natyra eshte e shenjte dhe u perket te gjithe brezave,qe do kalojne mbi kete toke.
Përgjigju