Kur kanë kaluar 3 ditë nga shpërthimi i fuqishëm me tritol në lokalin në pronësi të Muhamet Hoxhës në Tiranë, e vetmja pistë hetimi për policinë është ajo e ndonjë kërcënimi të mundshëm për familjen e tij. Burime zyrtare nga grupi hetimor konfirmojnë për Report Tv se të vetmet prova të mbledhura deri më tani i çojnë në dyshimin e vetëm se shkak mund të jetë bërë e kaluara e djalit të Muhamet Hoxhës, i cili aktualisht ndodhet në Angli.
Për këtë arsye, të njëjtat burime sqaruan se autoriteteve të huaja u është kërkuar informacion lidhur me aktivitetin që ai kryen në Angli apo nëse ka qenë ndonjëherë i hetuar apo proceduar për ndonjë vepër penale, për shkak se dyshimet e tyre kryesore janë se i riu është i përfshirë në veprimtari të jashtëligjshme.
Gjatë orëve të para të mëngjesit të së shtunës, Policia e Tiranës mori në pyetje edhe vetë pronarin e lokalit, ku Muhamet Hoxha ka mohuar të ketë dijeni për autorët apo që më herët të ketë pasur ndonjë kërcënim.
Shpërthimi i lëndës plasëse në lokalin e tij u regjistrua në pjesën e jashtme të biznesit nga persona ende të paidentifikuar, rreth orës 23:55 minuta të 6 Dhjetorit. Ngjarja ndodhi në rrugën “Shyqyri Brari” duke krijuar panik tek banorët e zonës. Fatmirësisht nga shpërthimi nuk pati të lënduar, ppr vetëm dëme materiale.
Lajme të tjera
-
600 gram eksploziv C4 tronditën qendrën e Shkodrës! Asnjë i ndaluar për dy shpërthimet! Voltana Ademi: Tronditëse, të kapen autorët
27 Mars 2022, 09:45 -
Makina e godet nga pas, motori i dy efektivëve të 'Shqiponjave' përplaset me bordurën pranë Kopshtit Botanik! Mjeti bëhet copa, policët të shtrirë në tokë
7 Shtator 2021, 10:30 -
Përfshihet në flakë një makinë pranë Kopshtit Botanik, një tjetër humb kontrollin dhe aksidenton 2 këmbësorë
26 Maj 2021, 18:12 -
Kopshti Botanik i mbetet Universitetit, Gjykata Administrative rrëzon VKM që ia kalonte Bashkisë
7 Maj 2021, 10:40 -
Shpërthim gjatë natës në Fushë-Krujë, i vihet tritol rrethimit të banesës së pronarit të një servisi
15 Korrik 2020, 09:40
