Kategoria e Parë, ka çelur siparin për edicionin 2016-2017. Skuadrat e ndara në dy grupe, kanë njohur kundërshtarët e tyre pas shortit të hedhur në Federatën Shqiptare të Futbollit.
 
Sot paradite në orën 11.00, në praninë e përfaqësuesve të klubeve dhe atyre të medias, Drejtori i Departamentit të Garave Lysien Nurishmi, ka hedhur shortin për Grupin A dhe Grupin B.
 
Kampionati kombëtar i kësaj kategorie do të fillojë të shtunën më datë 24 shtator. Gjatë hedhjes së shortit, janë shpërndarë edhe tabelat e reja elektronike të cilat do të përdoren për ndërrimet e futbollistëve dhe minutat shtesë.
 
Dy grupet janë ndarë nga 10 ekipe. Në javën e parë në grupin A do të ndeshen:
 
Dinamo - Shkumbini
Elbasan - Turbina
Lushnje - Tomori
Ballsh - Pogradeci
Sopoti - Apolonia



Ndërsa në grupin B janë këto ekipe dhe java e parë;
Burreli - Iliria
Shenkolli - Kamza
Besa - Besëlidhja
Terbuni - Kastrioti
Erzeni - Partizani B