Hong-Kong, mijëra protestues
kundër Kinës, thirrje pro-demokracisë

Hong-Kong, mijëra protestues<br />kundër Kinës, thirrje pro-demokracisë
HONG KONG - Mijëra protestues pro-demokracisë kanë bllokuar rrugët e Hong-Kongut duke injoruar apelet për t’u larguar. Demonstratat janë përhapur dhe në zona të tjera, duke përfshirë lagje të tëra tregtare dhe një zonë të populluar rezidenciale.
 
Një nga qendrat më të mëdha tregtare si dhe shumë shkolla e banka në qytet janë mbyllur. Raportet e policisë bëjnë të ditur se kanë përdorur 87 herë gaz lotsjellës vetëm gjatë një dite më parë. Mëngjesin e sotëm policia është tërhequr, ndërsa protestuesit janë qetësuar.

protesta ne hong kong
(Në foto momente gjatë protestës në Hong Kong  FOTO TË TJERA)


Ata kanë ngritur kampin e tyre rreth selisë së qeverisë, ku kaluan natën e kaluar duke fjetur në tokë ose mbi disa barrikada të rrëzuara. Protestuesit, kryesisht studentë dhe mbështetës të Lëvizjes Qendrore pro-demokracisë akuzojnë Pekinin se synon të kufizojë të drejtën e tyre për zgjedhjen e kreut ekzekutiv të qytetit në zgjedhjet elektorale të 2017-ës.

protesta ne hong kong
(Në foto momente gjatë protestës në Hong Kong  FOTO TË TJERA)

Ata thonë se Kina u kishte premtuar një demokraci të zgjeruar kur qyteti kaloi nga administrimi britanik në atë kinez përpara pak vitesh. Mediat ndërkombëtare thonë se liderët kinezë kanë frikë se trazirat e Hong Kongut mund të përhapen edhe në Kinë, ku mbizotëron pakënaqësia ndaj Partisë Komuniste. Ndërkaq, bëhet e ditur se Kina ka ndaluar përdorimin e Instagramit si dhe disa rrjeteve të tjera në internet, me qëllim bllokimin e përhapjes së fotove të protestave.

protesta ne hong kong
(Në foto momente gjatë protestës në Hong Kong  FOTO TË TJERA)


Redaksia Online
(a.h/shqiptarja.com)

  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Metën nuk e mbajnë këmbët pas ndarjes me Kryemadhin dhe pyetjeve të SPAK, rrëzohet mes studios televizive duke bërë xhonglime me topin

Metën nuk e mbajnë këmbët pas ndarjes me Kryemadhin dhe pyetjeve të SPAK, rrëzohet mes studios televizive duke bërë xhonglime me topin