Hyrja në NATO, Maqedonia kërkon ndihmë në OKB

NJU JORK - Minsitri i jashtëm maqedonas Nikola Poposki pritet të takojë sot Sekretarin e Përgjithshëm të OKB-së Ban Ki-Moon për t’i kërkuar të mbajë më tepër parasysh vendimin e Gjykatës Ndërkomëbatre të Drejtësisë e cila e konsideroi illegal bllokimin që Greqia i bëri anëtarësimit të Maqedonisë në NATO në vitin 2008.

Lobimi i Poposkit në OKB shihet si një përpjekje e fundit e Maqedonisë për të shtyrë përpara përpjekjet e saj për anëtarësim në NATO përpara samitit të majit.

Maqedonia dhe Greqia kanë një mosmarrëveshje në lidhje me emrin e ish-republikës jugosllave që zgjat prej dy dekadash. Greqia bllokoi anëtarësimin e Maqedonisë në NATO në 2008, megjithëse që prej 1995 të dy vendet kishin një marrëveshje ad interim të ndërmjetësuar nga OKB.

Gjykata Ndërkombëtare vendosi se Greqia e kishte thyer marrëveshjen duke bllokuar hyrjen e Maqedonisë në NATO, por vendimi nuk ishte detyrues ndaj Greqisë.

Diplomatë amerikanë, ashtu si edhe sekretari I NATO-s Rasmussen, janë shprehur se Maqedonia do duhej të arrinte së pari një marrëveshje më Greqinë për çështjen e emrit e pastaj të hynte në NATO.

(ep/shqiptarja.com)

TAG:
• lobimi