Abuzimi me fondet e BE në SASPAC, ndryshon masa e sigurisë për Gazmend Haxhinë! Bashkëpunëtori i Beqajt lihet në detyrim paraqitje

TIRANË- Biznesmeni Gazmend Haxhia, i akuzuar nga SPAK si bashkëpunëtor i ish-ministrit në pranga, Ilir Beqaj në dosjen e shpërdorimit të fondeve të BE-së, është paraqitur ditën e sotme në ambientet e Gjykatës së Posaçme. Bashkë më avokatin mbrojtjes, Haxhia është paraqitur për verifikim të masës së sigurisë. Gjykata ka ndryshuar masën e sigurisë ndaj tij, duke e lehtësuar nga arrest shtëpie në detyrim paraqitje. 

Haxhia nuk iu përgjigj interesit të mediave për njohjet apo lidhjet me Ilir Beqajn Burime konfirmojnë se brenda Gjykatës Haxhia tha se nuk ka lidhje me akuzat e ngritura nga SPAK. Mbrojtja ofroi garanci pasurore për heqjen e masës, por nuk u mor parasysh nga gjykata

Gazmend Haxhia u ndalua mesditën e 8 korrikut nga policia sapo zbriti nga avioni në aeroportin e Rinasit. Avokati i tij Henrik Ligori tha se Haxhia u vetëdorëzua dhe njoftoi prokuroren e çështjes se do ndërpriste vizitën në Kinë për tu përballur me drejtësinë.

LEXO EDHE:
Pse të gjithë të korruptuarit sulmojnë Dumanin e SPAK-ut?

Prokuroria e Posaçme dyshon se Beqaj si drejtues i SASPAC, ka abuzuar me të paktën 8 procedura prokurimi nga agjencia për menaxhimin e fondeve të BE, duke fryrë shifrat në qindra mijëra euro drejt kompanive të ndryshme për shërbime të pakryera me përfitues vetë ish-ministrin.

Një rast të veçantë, SPAK thotë se SASPAC i dha 125 mijë € kompanisë së biznesmenit Haxhia për organizimin e një konference turizmi e për të njëjtin event, edhe Ministria e Turizmit pagoi 38.5 mln lekë. Pra nga mbi 500 mijë € tenderë – zbulon Prokuroria - u shpenzuan 4.2 mln lekë për një darkë te “Gzona”, që SPAK thotë se është në pronësi të Ilir Beqajt, biznes që u përdorur nga kompanitë përfituese të fondeve që të kthenin paratë si ryshfet.

Më 6 korrik në një seancë rreth 6 orë në Gjykatën e Posaçme u rivlerësuan masat e sigurisë ndaj personave në hetim. Ilir Beqaj u la në arrest me burg, pavarësisht se ofroi 50 mijë euro garanci për të marrë lirinë. Edhe bashkëpunëtori i tij më i ngushtë, Ermal Kurtuljat, u la në qeli ndërsa për lirinë me kusht e cila iu refuzua, ofroi paratë e shitjes së një Audi Q7.

Beqaj mohoi të gjitha akuzat ndërsa avokati i tij tha se SPAK e ka personale me ish-ministrin jo vetëm për të denigruar figurën e tij por edhe për ta penguar ish-ministrin e Shëndetësisë të vijojë betejën për çështjen në hetim të sterilizimit, koncesion për të cilin ka dhe një hetim parlamentar

Ndaj Ilir Beqajt SPAK ka ngritur akuzat e korrupsionit pasiv, mosdeklarimit dhe fshehjes së pasurisë, mashtrimit, dhe pabarazisë në tenderë. Ndërsa të proceduarit e tjerë akuzohen për korrupsion aktiv dhe pasiv si dhe për mashtrim.

TAG:
• ilir beqaj
• dosja saspak
• spak
• Gazmend Haxhia

Sondazhi i ditës:

Jeni dakord që në Shqipëri të ndalohet përdorimi i euros për pagesa?

• Po

  41.4%

• Jo

  54.3%

• Nuk e di

  4.3%

Vota total: 6061

Votat totale janë unike

• Sondazhi i ditës:

  Jeni dakord që në Shqipëri të ndalohet përdorimi i euros për pagesa?

  Po Jo Nuk e di