POP 5

Lajmet më të lexuara të 5 minutave të fundit

Kronikë

I bënë pritë Ramës/ Lirohen nga qelia pas 20 ditësh kryetarët e degëve të PD-së në Librazhd e Prrenjas

Gjykata e Apelit në Durrës ka ndryshuar masën e sigurisë për dy kryetarët e degëve të PD-së në Librazhd dhe Prrenjas dhe dy militantët nga arrest me burg në detyrim paraqitje.

I bënë pritë Ramës/ Lirohen nga qelia pas 20 ditësh kryetarët e degëve të PD-së në Librazhd e Prrenjas

Momenti kur demokratet tentuan t'i bllokojne rrugen Rames ne Librazhd

Gjykata e Apelit në Durrës ka ndryshuar masën e sigurisë për dy kryetarët e degëve të PD-së në Librazhd dhe Prrenjas dhe dy militantët nga arrest me burg në detyrim paraqitje. Ata u arrestuan në datë 13 Qershor, pasi goditën eskortën e kryeministrit Rama në tentativë për t'i bllokuar rrugën për mitingun që kishte programuar në Librazhd.

Në datë 16 qershor, gjykata e shkallës së parë i la në burg, ndërsa sot Apeli ndryshoi masën duke nxjerrë nga qelia kryetarin e degës së PD Librazhd Bujar Vreto, kryetarin e degës së PD Prrenjas, Arjan Karriqi si dhe dy të arrestuarit e tjerë Bujar Kojku dhe Dash Boja për t'u hetuar gjendje të lirë, me masën detyrim paraqitje. 

Pas vendimit të gjykatës ka reaguar Partia Demokratike, që thotë se arrestimi ishte politik, ndërsa akuzon Policinë e Shtetit.  "Ata u arrestuan më 13 qershor pse u ngritën në protestë kundër vizitës së Ramës në Librazhd. Me urdhër politik, ndaj tyre u montuan akuza të paqena dhe u mbajtën të ndaluar në kundërshtim flagrant me ligjin. Gjatë gjithë muajit qershor, Policia e Shtetit u shndërrua në një polici të mirëfilltë politike dhe kreu qindra arrestime në kundërshtim me ligjin në radhët e protestuesve të opozitës së bashkuar dhe të Aleancës Qytetare kundër farsës së 30 qershorit.

Të gjitha arrestimet e policisë në disa vendime të njëpasnjëshme janë cilësuar nga vendimet e gjykatave si të paligjshme. Lirimi i sotëm i drejtuesve politikë të PD në Librazhd e Prrenjas konfirmon sjelljen antiligjore të policisë së Sandër Lleshajt dhe është një tregues i nevojës urgjente për depolitizimin e institucionit të policisë nga një strukturë drejtuese e mbushur me vegla të verbra të Edi Ramës dhe me ish-eksponentë të Sigurimit të Shtetit" shkruan PD-ja.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14