POP 5

Lajmet më të lexuara të 5 minutave të fundit

Sport

'I lumtur vetëm nëse marrim 6 pikë', Hysaj ngre në 'qiell' kombëtaren! Cikalleshi: Pa fitoren kundër Hungarisë Polonia s'ka vlerë

I kënaqur vetëm nëse Shqipëria merr dy fitore. Kështu shprehet futbollisti i Kombëtares Elseid Hysaj në prag të dy sfidave kualifikuese të Botërorit kundër Hungarisë dhe Polonisë. Ndërkohë sipas Sokol Cikalleshit me rëndësi janë 3 pikët në ndeshjen e parë, pasi në të kundërt përballja me Poloninë nuk vlen.

Kombëtarja ka mbyllur sot ditën e katërt të përgatitjeve për dy ndeshjet shumë të rëndësishme të eliminatoreve të Botërorit kundër Hungarisë me datë 9 tetor dhe kundër Polonisë me 12 tetor. Trajneri Reja vijon ta ketë grupin e plotë dhe është afër fiksimit të titullarëve për ndeshjen e parë, ndërsa optimizmi është shumë i lartë. Mbrojtësi Elseid Hysaj, i pyetur se me sa pikë është i kënaqur, përgjigjet:

Elseid Hysaj, futbollist i Kombëtares: “6 pikë, ne shkojmë për 6 pikë. Me të gjithë këta lojtarë që kemi në grup, shkojmë motivisht shumë lart për t’i fituar të dyja sepse i kemi mundësitë. Duhet të besojmë te vetja jonë.”

Ndërkohë sulmuesi Sokol Cikalleshi nga të dy ndeshjet e sheh përballjen me Hungarinë si më të rëndësishme. Nëse do kishte mundësi të zgjidhte ai preferon që golin e vetëm ta realizonte në transfertën e ditës së shtunë.

Sokol Cikalleshi, futbollist i Kombëtares: “Duke pasur Hungarinë pas dy ndeshjesh, do të dëshiroja një gol ndaj Hungarisë, pasi me fitoren ndaj Hungarisë, me ndihmën e tifozëve që do të jenë në Air Albania dhe duke qenë të gjithë bashkë me zjarrin e fitores ndaj Hungarisë, besoj se Poloninë dhe Levandovskin do ta mundim.”

Ndërkohë UEFA ka zgjedhur edhe katërshen e arbitrave që do të arbitrojnë të shtunën në ‘Puskas Arena’. Ata do të jenë një katërshe spanjolle me kryesor Carlos Grande.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Vlorë/ Të shtëna me armë zjarri në lagjen ’24 Maji’, 1 i plagosur (EMRI)

Vlorë/ Të shtëna me armë zjarri në lagjen ’24 Maji’, 1 i plagosur (EMRI)

18 Dhjetor, 21:50