SHÇBA procedon të riun dhe policin që e plagosi: Arma qitje të pavullnetshme

Mësohet se pas ngjarjes SHÇBA ka proceduar të riun që nuk iu bind policisë pasi drejtonte motorin pa patentë si dhe efektivin e policisë që e plagosi. Në njoftimin e shpërndarë nga ministria e Brendshme thuhet se i riu u ndoq nga pas prej policit, pasi ishte rrëzuar nga motori. Në ndjekje e sipër arma e tij ka kryer qitje të pavullnetshme

Në datë 1 tetor 2018, rreth orës 23:00 shtetasit S.T., duke lëvizur me një çiklomotor pa kaskë mbrojtëse, në “Rrugën e Dibrës”, iu bë shenjë nga një patrullë e Policisë për të ndaluar. 

Ai nuk ka ndaluar, por ka shtuar shpejtësinë dhe është futur në një rrugicë përballë spitalit “Nënë Tereza”. Për disa minuta ndjekje, nuk i është përgjigjur urdhrave të Patrullës së Policisë. 

Gjatë lëvizjes nëpër rrugica, i riu është rrëzuar nga motorri dhe ka vijuar lëvizjen me vrap. 

Punonjësi i Policisë më afër tij, në ndjekje e sipër ka dyshuar se shtetasi S.T. ka patur në dorë një send të dyshimtë si armë zjarri. 

Kështu efektivi ka nxjerrë armën e shërbimit për ta mbushur, për çdo eventualitet a rrezik, pasi ndjekja po vijonte në gjysëm errësirë në rrugica. 

Në këto kushte arma e punonjësit të Policisë ka realizuar qitje të pavullnetshme.

Pas kësaj, punonjësit e Policisë kanë vijuar ndjekjen për rreth 100 metra dhe arritën ta kapin 28-vjeçarin.

Patrulla kur e konstatoi gjendjen e tij, i ka dhënë ndihmën e parë dhe e shoqëroi S.T. për ndihmë në spital me ambulancë, pasi kishte dëmtime në fytyrë, shkaktuar nga rrëzimi me motorr dhe në pjesën e pulpës së këmbës.

Në fund të veprimeve hetimore, shtetasi S.T. është proceduar në gjendje të lirë për “Mosbidje ndaj urdhrave të punonjësit të rendit publik” dhe “Drejtim të mjetit në mënyrë të parregullt”. 

Hetimi është kryer nga strukturat e SHÇBA Tiranë, të cilat kanë proceduar punonjësin e Policisë B.B., për “Plagosje nga pakujdesia”.

LEXO EDHE:
Operacioni ‘Astiri’ në Tiranë, u gjetën 1.5 kg kokainë në banesë, policia arreston 2 persona! Në kërkim bashkëpunëtori i tyre (EMRAT)

Njoftimi i Ministrisë së Brendshme

TAG:
• plagosja
• sidion tabaku
• Shqiponjat

Sondazhi i ditës:

A ka politika frikë nga SPAK-u?

• Po

  69.3%

• Jo

  26.6%

• Nuk e di

  4.1%

Vota total: 560

• Sondazhi i ditës:

  A ka politika frikë nga SPAK-u?

  Po Jo Nuk e di