VLORË- Një ngjarje e rëndë ka ndodhur mëngjesin e sotëm në qytetin e Vlorës, ku i është vënë tritoli makinës së prokurorit të Gjykatës së Vlorës, Albert Kuliçi. Fatmirësisht nga shpërthimi nuk ka patur persona të lënduar por vetëm dëme materiale.
Shpërthimi ka ndodhur rreth orës 2:50 të mëngjesit të sotëm në lagjen '28 nëntori' dhe në momentin e shpërthimit makina tip 'Golf 5 Plus' me targat AA 583 OO, ka qenë e parkuar para banesës së prokurorit. Pranë saj ka qenë edhe një makinë tjetër. Lënda plasës automjetit i është vënë në pjesën e përparme duke i shkaktuar dëme të mëdha.
Një burim nga policia tha për “Shqiptarja.com” se kamerat kanë arritur të kapin autorin edhe gjatë momentit të afrimit dhe largimit. Lidhur me këtë çështje është marrë në pyetje prokurori Albert Kuliçi dhe disa persona të tjerë. Ndërkohë ngjarja është klasifikuar se ka lidhje me detyrën e tij të prokurorit. Pas kësaj ngjarjeje të rëndë, siç njofton Këshilli i Lartë i Prokurorisë, Kuliçi dhe familja e tij janë marrë në mbrojtje të posaçme, e ndërsa ka pasur reagime të shumta si nga figura të larta të drejtësisë ashtu edhe nga politika.
Prokurori i Përgjegjshëm, Olsian Çela bëri me dije se ka një angazhim maksimal nga ana e autoriteteve përkatëse për të zbardhur ngjarjen e plotë. Në të njëjtën linjë ka qenë edhe anëtari i KLP-së, Tartar Bazaj, si dhe kreu i Gjykatës së Vlorës Skënder Haluci, që e quajti një veprim burracak. Reagim ka pasur edhe kreu i shtetit, Ilir Meta që bëri thIrrje për të vënë para drejtësisë autorët.
Kush është Albert Kuliçi
Prokurori Kuliçi ka në dorë shumë dosje të nxehta që kanë bërë bujë në qytetin e Vlorës. Veç detyrës së prokurorit, Albert Kuliçi, ushtron prej disa vitesh dhe funksionin e zv/drejtuesit të prokurorisë së Vlorës. Targeti i çështjeve që heton Kuliçi nuk janë vrasjet dhe krimet e rënda në Vlorë, por falsifikimet e pronave dhe krimi financiar. Kujtojmë që gjatë kësaj kohe, Kuliçi ka hetuar dhe çuar në gjykatë një sërë dosje penale, përfshirë këtu dhe ish-kryebashkiakun e Vlorës Shpëtim Gjika, të cilin e ka marrë të pandehur për lejet në Vlorë dhe konçesionin e parkimit të makinave në 14 rrugët kryesore në qytetin e Vlorës. Veç kësaj çështje Albert Kuliçit ka hetuar një sërë dosjesh, që kanë si subjekt zyrtarët e hipotekës së Vlorës dhe personat që kanë tjetërsuar mijëra metra katror tokë në bregun e Vlorës, kryesisht në Karaburun, Rradhimë dhe zonën e Zvërnecit.
Partia Demokratike ka mbështetur prokurorin Albert Kuliçin, të cilit iu vu tritol në makinën mëngjesin e kësaj shtune. Në reagimin e tyre, PD thekson se ndëshkimi i autorëve duhet të jetë shembullor dhe sa më i shpejt të tjetë e mundur teksa kanë inkurajuar prokurorët, që pavarësisht rasteve të tilla të vazhdojnë punën e tyre pa u ndikuar.
"Akte të tilla mafioze kërkojnë angazhimin e menjëhershëm dhe energjik të organeve ligjzbatuese për vënien përpara përgjegjësisë të autorëve të kësaj ngjarje. Ndëshkimi ndaj tyre duhet të jetë shembullor dhe i shpejtë. Lufta ndaj krimit të organizuar, dhe veçanërisht promovimit dhe mbështetjes politike ndaj tyre, është prioritet kombëtar.
Partia Demokratike shpreh mbështetjen e plotë për trupën e prokurorëve dhe për familjet e tyre. Kemi qenë dhe do të mbetemi përkrah çdo prokurori të ndershëm që lufton krimin, pavarësisht mbështetjes që segmente të politikës i japin shpesh kriminelëve, duke i veshur me pushtet.
Inkurajojmë prokurorët dhe gjyqtarët e ndershëm, që pavarësisht vështirësisë, të vijojnë betejën pa kompromis ndaj krimit. Ata nuk janë vetëm në këtë betejë, por kanë përkrah shumicën dërrmuese të qytetarëve shqiptarë, që luftën ndaj krimit të organizuar e konsiderojnë si mundësi për ti dhënë vendit të ardhmen europiane", shkruan PD-ja.
Shoqata Kombëtare e Gjyqtarëve e ka cilësuar si një atentat mafioz sulmin ndaj prokurorit Albert Kuliçi. Ata theksojnë se kjo ngjarje duhet të zbardhet dhe të mos mbetet pa autor, siç kanë mbetur shumë ngjarje të tjera të ngjashme.
"Shoqata Kombëtare e Gjyqtarëve të Republikës së Shqipërisë përcjell me shqetësim të madh dhe indinjatë të thellë ngjarjen e sotme mafioze, të ndodhur në qytetin e Vlorës, ku një sasi eksplozivi ka hedhur në erë, duke dëmtuar rëndë, makinën e Prokurorit Albert Kuliçi, me detyrë Zëvendësdrejtues i Prokurorisë pranë Gjykatës së Shkallës së Parë Vlorë dhe njëkohësisht drejtues i Njësisë së Posaçme (Task Force).
Ngjarje të tilla tronditin jo vetëm organet e drejtësisë por krijojnë dhe pasiguri të thellë në radhët e qytetarëve. Cenimi i jetës, shëndetit apo pronës së magjistratit përbën një fenomen të papranueshëm për një shtet të së drejtës, që duhet të vërë në alarm të gjitha strukturat përgjegjëse shtetërore si dhe të zgjojë ndërgjegjen qytetare për rëndësinë e misionit të magjistratit. Autori apo autorët e këtij akti të rëndë ndaj Prokurorit Albert Kuliçi duhet të marrin një përgjigje të shpejtë, efektive dhe të ashpër nga organet ligjzbatuese.
Funksioni i magjistratit përbën një mision për shoqërinë dhe si i tillë duhet të perceptohet nga të gjithë. Cenimi i personit të magjistratit përbën cenim të të gjithë shoqërisë dhe një atentat ndaj rendit kushtetues, pasi përmes akteve të tilla preken garantët e shtetit të së drejtës. Në këtë kuadër, të gjitha hallkat e shtetit dhe të shoqërisë duhet të solidarizohen në mbrojtje të figurës dhe shërbimit që magjistrati kryen ndaj tyre.
Shoqata Kombëtare e Gjyqtarëve të Republikës së Shqipërisë inkurajon të gjithë organet shtetërore që janë angazhuar tashmë me hetimin e ngjarjes dhe zbardhjen e autorit/autorëve të saj për të kryer një punë profesionale me qëllim që të rikthehet qetësia e munguar dhe besimi i tronditur nga kjo ngjarje në radhët magjistratëve por edhe të të gjithë qytetarëve. Shpresojmë që kjo ngjarje të marrë emër dhe të mos mbesë e pa zbardhur sikurse rëndom ka ndodhur në raste të tjera.
Në të njëjtën kohë, Shoqata Kombëtare e Gjyqtarëve të Republikës së Shqipërisë falënderon të gjithë zyrtarët dhe organet publike të cilave ata u përkasin për reagimin e menjëhershëm mediatik dhe mbështetjen e gjerë që i kanë dhënë prokurorit Albert Kuliçi si dhe të gjithë trupës së magjistratëve në Republikën e Shqipërisë.
Së fundi, Shoqata Kombëtare e Gjyqtarëve të Republikës së Shqipërisë shpreh mbështetjen e parezervë ndaj Prokurorit Albert Kuliçi si dhe ndaj të gjithë magjistratëve, gjyqtarë e prokurorë, të cilët punojnë me ndershmëri, profesionalizëm dhe kurajë, duke mos kursyer asgjë që drejtësia të triumfojë. Shembulli juaj duhet të vazhdojë të shërbejë si frymëzim për të gjithë shoqërinë", shkruan Shoqata Kombëtare e Gjyqtarëve.
Nga Vlora, anëtari KLP-s Tartar Bazaj njëherazi kreu komisionit të mbrojtjes së prokurorëve tha se ky sulm është një ngjarje shumë e rëndë, por bëri me dije e gjithë policia është në këmbë duke premtuar se shumë shpejt do të ketë rezultate.
“Është një ngjarje shumë e rëndë, jemi në krahë të prokurorit, e gjithë policia e shtetit është në lëvizje për këtë problem. Them që shumë shpejt do të kemi rezultatë. Policia e shtetit i ka marrë detyrat dhe paralelisht ka dalë me vendime përkatëse. Gjithsesi KLP ka akses për të dalë me vendim përkatës për mbrojtjen e prokurorit, jetës së tij dhe mbrojtjes së familjarëve’’, tha anëtari i KLP-së Tartar Bazaj
“Ka të bëjë me detyrën e prokurorit, nuk mund të themi se për çfarë drejtimi është fiks,ende s’ka të shoqëruar por janë marrë disa dëshmitarë të largët por jo konkret, janë marrë të gjitha kamerat duke u parë”, tha Drejtori i Policisë së Vlorës, Artion Duka
Këshilli i Lartë i Prokurorisë e ka cilësuar si një atentat terrorist sulmin ndaj prokurorit të Gjykatës së Vlorës, Albert Kuliçi. Në reagimin zyrtar, KLP njofton se pasi është informuar mbi ngjarjen, ka zhvilluar një mbledhje urgjente u vendos që Këshilli do t’i sigurojë prokurorit Kuliçi dhe familjes së tij mbrojtje të posaçme.
"Këshilli i Lartë i Prokurorisë, pasi mësoi me indinjatë të thellë për aktin kriminal që ka ndodhur sot, në orët e para të mëngjesit, kundër pronës të prokurorit Albert Kuliçi, prokuror pranë Gjykatës së Shkallës së Parë Vlorë, u mblodh në një mbledhje të jashtëzakonshme për të shqyrtuar reagimin ndaj ngjarjes.Pa dashur të paragjykojmë përfundimet e hetimit, të cilat i presim me padurim, ajo që ka ndodhur sot në Vlorë duket si një sulm i shenjestruar ndaj prokurorit për shkak të funksionit të tij. Si i tillë, ky sulm përbën një akt të papranueshëm që synon të intimidojë prokurorin dhe të cenojë mirëfunksionimin e sistemit të drejtësisë penale në luftën kundër krimit.
Këshilli i Lartë i Prokurorisë e konsideron çdo sulm kundër prokurorëve si një atentat terrorist ndaj sistemit të drejtësisë penale, rendit tonë juridik, vlerave tona shoqërore dhe mënyrës tonë të jetesës. Për këtë arsye ne e konsiderojmë mbrojtjen e prokurorëve të Republikës si detyrën nr. 1 të Këshillit. Në ushtrim të përgjegjësive tona kushtetuese për mbrojtjen e prokurorëve, në zbatim të ligjit “Për statusin e gjyqtarëve dhe prokurorëve në Republikën e Shqipërisë“, Këshilli do t’i sigurojë prokurorit Kuliçi dhe familjes së tij mbrojtje të posaçme.
Gjithashtu, Këshilli iu bën thirrje të gjitha organeve ligjzbatuese të hetojnë me këmbëngulje dhe përparësi absolute ngjarjen e sotme për të arritur në zbardhjen e saj të plotë dhe të shpejtë. Kjo është mënyra më e mirë për t’i dhënë përgjigjen e duhur krimit dhe për të parandaluar ngjarje të tilla në të ardhmen. Këshilli i Lartë i Prokurorisë do të ndjekë me interes punën e grupit posaçëm hetimor deri në zbardhjen përfundimtare të ngjarjes dhe do të mbetet në gatishmëri për kryerjen e detyrave që ia ngarkon ligji. Këshilli i Lartë i Prokurorisë inkurajon Z. Kuliçi dhe të gjithë trupën e prokurorëve të vazhdojnë luftën pa kompromis kundër krimit", njofton Këshilli.
Kryetari i Gjykatës së Vlorës, Skënder Haluci, ka dënuar aktin dhe e ka cilësuar një gjest frikacak prej burracakësh sulmin me tritol ndaj makinës së prokurorit, Kuliçi sot në Vlorë. Ai ka shtuar se prokurori Kuliçi është një nga më të mirët e Prokurorisë së Vlorës. Haluci ka bërë edhe një paralajmërim për sa i përket atyre që kanë vjedhur pronat publike, duke thënë se këto prona nuk do t'i gëzojnë.
" Jemi në mbështetje të tij dhe për ta mbështetur në aktivitetin e tij si prokuror. Nuk ka asnjë lidhje tjetër vetëm nga detyra. Është ngjarje shumë e shëmtuar prej frikacakësh e burracakësh që veprojnë me maska dhe me tritol. Ne do të përgjigjemi me akte dhe me dënime. Nuk tërhiqemi. Gra e burra në Prokurinë dhe në Gjyqësorin e Vlorës punojnë natë e ditë vetëm për të zbatuar ligjin. Janë disa raste që goditet gjyqësori. Po goditet gjyqësori edhe me baltë jo vetëm me tritol. Siguroj qytetarët e Vlorës që kanë vu dorë, dhe kanë grabitur prona të qytetarëve të Vlorës nuk kanë për t'i gëzuar. Ka lidhje me ngjarje konkrete dhe jo konkrete. Janë më shumë se 4 milion euro të sekuestruara. Ajo është e vetmja pistë. Kam shumë besim se ngjarja do të zbardhet." tha Haluci.
Detaje të reja kanë dal në dritë nga ngjarja e rëndë e ndodhur mëngjesin e sotëm në Vlorë, ku makinës së Prokurorit të gjykatës së këtij qyteti, Albert Kuliçi, iu vu tritoli nga një person ende i pa identifikuar. Burime për Report Tv bëjnë me dije se kamerat e sigurisë kanë filmuar autorin i cili ishte i maskuar dhe ka vepruar me shpejtësi.
Fillimisht ai ka lënë makinën e tij në një rrugicë paralele me vendin e ngjarjes dhe më pas është drejtuar me qetësi për tek makina e prokurorit. Ai ka hedhur një pako me eksploziv dhe më pas është larguar me shpejtësi. Pas 30 sekondave lënda plasëse është aktivizuar dhe ka shpërthyer duke shkatërruar makinën e prokurorit Kuliçi. Autori ka mundur të largohet duke përfituar nga ora dhe errësira. Edhe pse po punohet për gjetjen e tij, autori ende nuk është identifikur.
Prokurori i Vlorës Albert Kuliçi, i shtohet listës së njerëzve të Drejtësisë, që sulmohen në Vlorë nga eksponentë të krimit të organizuar. Mëngjesin e të shtunës, rreth orës 02:50, makina e tij “Golf 5”, është shkatërruar totalisht nga një shpërthim i fuqishëm. Mjeti ishte i parkuar pranë banesës me qira, ku qëndron prokurori Kuliçi në Vlorë. Veç detyrës së prokurorit, Albert Kuliçi, ushtron prej disa vitesh dhe funksionin e zv/drejtuesit të prokurorisë së Vlorës. Pas shpërthimit të fuqishëm në vendngjarje kanë shkuar forca të shumta të policisë së Vlorës, të cilat kanë filluar procedurat hetimore, ku të parat që janë sekuestruar janë disa pamje filmike të kamerave të instaluara në rrugën ku ka ndodhur shpërthimi i tritolit. Një burim nga policia tha për “Shqiptarja.com” se kamerat kanë arritur të kapin autorin edhe gjatë momentit të afrimit dhe largimit.
Lidhur me këtë çështje është marrë në pyetje prokurori Albert Kuliçi dhe disa persona të tjerë. Ndërkohë ngjarja është klasifikuar se ka lidhje me detyrën e tij të prokurorit. Veprimet e para hetimore të kësaj ngjarje po kryhen në Vlorë. Kuliçi është prokuror magjistrat dhe karrierën e tij, e ka nisur pikërisht në qytetin e Vlorës. Targeti i çështjeve që heton Kuliçi nuk janë vrasjet dhe krimet e rënda në Vlorë, por falsifikimet e pronave dhe krimi financiar. Kujtojmë që gjatë kësaj kohe, Kuliçi ka hetuar dhe çuar në gjykatë një sërë dosje penale, përfshirë këtu dhe ish-kryebashkiakun e Vlorës Shpëtim Gjika, të cilin e ka marrë të pandehur për lejet në Vlorë dhe konçesionin e parkimit të makinave në 14 rrugët kryesore në qytetin e Vlorës.
Veç kësaj çështje Albert Kuliçit ka hetuar një sërë dosjesh, që kanë si subjekt zyrtarët e hipotekës së Vlorës dhe personat që kanë tjetërsuar mijëra metra katror tokë në bregun e Vlorës, kryesisht në Karaburun, Rradhimë dhe zonën e Zvërnecit. Momentalisht një dosje e nxehtë që ndodhet në dorën e prokurorit Albert Kuliçi, është ajo me të pandehurin Pëllumb Petritaj, ku prokurori Kuliçi 6 muaj më parë gjatë dhënies së pretencës për këtë të pandehur kërkoi në gjykatë deklarimin fajtor dhe dënimin e Petritaj me 28 vite burgim, për akuzën e “Falsifikimit të dokumentave” dhe “Pastrimit të produkteve të veprës penale”. Ky process gjyqësor ka pasur shumë debate në sallën e gjyqit dhe se tashmë kjo çështje ka mbetur e pa përfunduar për shkakun se mbrojtja e të pandehurit ende nuk ka dhënë konkluzionet e saj. Gjatë kësaj faze, prokurori Kuliçi kërkoi riarrestimin e Pëllumb Petritaj, kërkesë e cila u miratua nga gjykata, por u rrëzua nga gjykata e Apelit Vlorë.
Makina që mëngjesin e sotëm shpërtheu me tritol në lagjen '28 Nëntori' në Vlorë i përket, Albert Kuliçi, prokuror pranë Gjykatës së Shkallës së parë Vlorë. Prokurorit në fjalë ka një karrierë të mbushur me dosje të nxehta hetimor.
Një nga këto dosje është për ish-kryebashkiakun e Vlorës Shpëtim Gjika dhe 7 të pandehurit e tjerë, zyrtarë dhe ish-zyrtarë të bashkisë Vlorë. Gjika në cilësinë e kryetarit të Bashkisë, Ardian Musta në cilësinë e nën/kryertarit dhe zyrtarët e tjerë si Ilir Banushi, Arben Beqiraj,Taulla Zanaj,Gentian Sherifaj, Merita Mema dhe Petro Thanasko, ishin vënë në akuzë nga prokuroria e Vlorës për çështjen e konçesionit 15-vjeçar të parkimeve në rrugët e Vlorës. Në muajin shkurt 2019 prokuroria e Vlorës (Albert Kuliçi) ngrit ndaj të pandehurve të mësipërm akuzën e “Shpërdorimit të detyrës”, duke dërguar dosjen në gjykatë.
Ndërkohë një nga dosjet më të fundit që Kuliçi kishte në dorë është edhe ajo për për tjetërsimin e 100 hektarëve në zonën e Akërnisë në Vlorë ku është arrestuar biznesmeni Pëllumb Petritaj. Ai fillimisht u arrestua në tetor të 2018 dhe në maj 2019 u la i lirë me garanci pasurore prej 25 milion lekë të vjetra. Por Petritaj u riarrestua më 14 nëntor nga policia e Vlorës pas kërkesës së bërë nga prokurori i çështjes Albert Kuliçaj.
Komente
Lajme të tjera
-
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Vlorë/ 30- vjeçari ra nga kati i 3 i pallatit në ndërtim, arrestohet sipërmarrësi i punimeve të pllakave, nën hetim një tjetër! Mungonin kushtet teknike për sigurimin e jetës
21 Nëntor, 09:43
-
Vlorë/ FNSH 'pritë' tek rrethrrotullimi i Skelës, ndalon makinat e luksit e me xhama të zinj! Kontrolle për persona të kërkuar apo me armë (VIDEO)
20 Nëntor, 20:57
-
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Vlorë/ Bie nga kati i 3 i pallatit në ndërtim, 30 -vjeçari niset drejt Tiranës! Në gjendje të rëndë shëndetësore
20 Nëntor, 12:39 -
Vlorë/ Efektivi i policisë jashtë shërbimit aksidenton me ‘Benz’ këmbësorin e moshuar! 79-vjeçari nën kujdesin e mjekëve, edhe AMP nis hetimet
19 Nëntor, 18:27 -
Vlorë/ Përkeqësimi i kushteve meteorologjike, stuhi dhe dallgë deri në dy metra! Ndalohet lundrimi i varkave e peshkarexhave për 4 ditë! Ja kur rinis, tragetet dhe anijet e mëdha do vijojnë
19 Nëntor, 16:55 -
Vlorë/ Aksident në rrugën Transballkanike, automjeti 'Benz' përplas motorin, plagosen drejtuesi dhe pasagjeri (VIDEO)
19 Nëntor, 15:24
Ky nastradini nuk bie era fare person Institucioni ,por kriminel rrugesh ,tipik ga ata te 97-es zagart e sali berishes qe i hoqi zvarre Vlonjati nga ura e Mifolit deri ne Sarande . Ky s'ka lidhje aspak me Prolurorine apo Drejtesine ,por eshte thjeshte ji ushtar i bandes kriminale e mafioes te Tokave e Juge ,qe ala qelb era e shpelarit . Vetem idiotet mundet ta marrin nji kriminel te tille halabak rrugesh duket nga gjthcka jovetem veshja ,per gjasme Prokuror me Diploma shpelle ! Kta sharlazat qe qelben Shqiperine e jovetem Vloren duhet te zhduken nga ato poste , jo me plumb ballit por nga Vettingu . Ky Kuliqi eshte pjes e bandes se kriminneleve te sali berishes kjo sdo aspak mend ta dallosh bashke me trapojani tjeter "Gjykates" dy surrate halabkesh e kriminelesh qe duhet zhdukur nga Vlora dhe hetohen nga SPAKe Vetting. Vlora ka bijt e saj te Diplomuar ne Boten e Qyzteteruar Itali France Gjermani Angli dhe mbi te gjitha Qytetare jo lriminele shpellash me Diploma plepi ,qe te ushtrojne detyra zte tilla duke i sherbyer qytetarit te Vlores shume her me mire se cdo zagar rrugesh me Fake Diploma . Kta te dy s' duhen vrare por zhdukur nga ato poste dhe nga Vlora mbi te gjitha sepse jan pjes e krimit te orgaizuar dhe kte e dijne jopak Vlonjate edhe kolege te tyre . Vlora duhet te cohet e kembe e zhduke krimielet ga Drejtesia per te ven dinjitetin e qytetit ne vende ,perdjosur nga shpellart ,turp me te madhe ska par ndojiher Vlojati
PërgjigjuEdbe kur u vra ne menyre makabre ish gjyqtari i Vlores Konomi te njejtin teater degjuam nga politika dhe gjyqsori i koruptuar. Te gjithe e dine qe kriminelet kane lidhje ye forta me politiken dhe gjykatesit nuk i ndeshkojne. Fjalet qe po thuhen per kete prokuror na bejne te ndihemi optimiste por dhe te keqardhur qe shqiperia ka kaq pak burra e djem me integritet. Prokurori nuk eshte me sigurte ne Vlore nese brenda 3 ditesh nuk zbulohen autoret e ketij akti terrorist. Dihet ku jane, neper tavolina zyrash shteterore, neper telefonat e politikaneve, neper restorante e bare me police, peokurore dhe gjyqtare te koruptuar. Edhe te vdekur nuk guxojne te akuzojne faqedjegurin per vrasjen e ish gjytarit Konomi? Perse? Sepse urdheruesit jane ende gjalle, te lire duke gezuar pronat e grabitura. Sa " VIPA" jane perfitues te tokes ne karaburun me falsifikim??? Respekte dhe mbeshtetje per prokurorin por shikoni ke keni ne krye te komisionit per mbrojtjen e tyre.
PërgjigjuShoqata e derrave kerkon drejtesi.. ashtu e gjykates.. se u ngaterrova..’
PërgjigjuVeprimi eshte i denueshem dhe ata qe e kane bere duhet te pergjigjen ligjerisht. Sa i takon Bertit mendoj se duhet te ulet me kembe ne toke se e ka pushtuar nje delir qe ia ka mbush mendjen qe nuk ka te dyte si ai dhe kjo po e demton!
PërgjigjuQe do te thote? Te mbylli syte perpara krimit apo te koruptohet? Kushdo qofte horri qe e beri apo dhe ata qe e urdheruan nuk duhet me te shohin driten e diellit. Prokuroret dhe Gjyqtaret idealiste dhe me integritet i japin dinjitet dhe shprese nje kombi te tere. Ti thua te behet njelloj si te tjeret? Atehere me mire te largohet nga sistemi. Nuk kemi nevije per xhaketa te vjetra dhe koruptuara.
Ku eshte katandisur sistemi i drejtesise ne shqiperi. Tartar Baze analfabet nga fshatrat e vlores zgjidhet ne klp!!!! Ngriheni pak nivelin ju lutem....
PërgjigjuProkurori meriton mbeshtetje e respekt per punen qe ka bere me te paprekshmit ne vlore.Duhet te vinte ky djale nga tropoja tu tregonte vendin atyre qe e bene Vloren prone private.Respekte!!!Duhet te ishte pjese e Spak po te mos ishte per vitet e vjetersise.
PërgjigjuE fitoi azilin shoku prokuror ne zvicer ik ne me gomone.
PërgjigjuBerti ne Vlore njihet se person me inegritet dhe i papaerfolur per ghera te dyshimta.
PërgjigjuDuhet denuar cdo akt kriminal edhe pse une kam dyshime mbi aktin por per komentuesin Ka dy admira ne Vlore njeri qe ju hodh makina 80 mij euro ne ere tjetri qe drejton Portin e Vlores zdhe sdo desha te kishte lidhje me Mezani apo me Alaudinin se te dy i njeh Vlora cfare mostrash jane dhe nga komenti te dyve ju shkon per shtat ky koment por ajo cka permban komenti jo vetem qe si afrohet realitetin por eshte kerj e kunderta , e para Integriteti i Albert Kulcit eshte vulosur me mbylljen e dhjetra dosjeve hetimore qe kane ne themel vjedhjet e pronave ne Vlore e dyta i pa perfolur te sygjeroj te shkosh e te shohesh se sa ankesa jane bere per kete prokuror te paperfolur ne KLD,Ministrine e Drejtesise e ne Prokurorine e Pergjitheshme kur kete e drejtonte Adriatik Llalla dhe ti mund te pergjigjesh qe seshte marr asnje mase dhe une te jap te drejte sepse Marsida ,Llala, Troci dhe Nishani, Halimi , Alibeja nuk mund ti lejonte Gon Kulici qe te merrj ndonje mase ndaj ketij personi me integritet ,Por dua te te them se uroj qe kjo mos te jete bere per te perfituar ndonje azile dhe per ti shpetuar vetingut dhe spakut, per gjera te dyshimta duhet te pyesesh Krimin i cili e njeh mire kete Prokurori. sepse ai i ka sherbyer shume dhe mesa duket eshte prishur pazari.
Nga krietari gjikates e der ke opgj me i thjesjt dun djeg me benzin, ne vlore e kudo ne shqiperi, se po pasurohen me gjakun e popullit
PërgjigjuProkuror pa personalitet te pakten si eshte veshur.Atlete,xhinse,xhakete te shndritshme = PROKUROR.
PërgjigjuFole dhe ti ore Pëto mustaqemiu...
Te duket gje ne orar pune ty o idiot?
ESHT DIT E SHTUN O BABALE. ESHT PUSHIM PROKURORI SOT , NUK I KERKON NJERI LLOGARI SI DO VISHET
E tha mire kryegjyqtari veprim prej burracakpo te kene bythe ata rrugecer ti dalin para Bertit qe gjithe Vlora e njeh per zotri djale
PërgjigjuVetem ne fshatra ka robe të mire ne vlore njerezit janë të liqe nuk po jetojme dot normal na eshte veshtiresuar jeta ne vlore
Përgjigjue pam sa njerez te mir ka ne fshatra, vrau 7 veta ai boti vjet. i kishte kushurinj e i vrau se e akuzonin per hajdut pulash.
Keshtu nodh kur kriminelet i "perkedhel" ne ratin me te mire apo kur u "del nga llafi" ne rastin me te keq.Vertet ka pasu ne dore dosje te nxehta por cfare ka arritur . Asnjegje .Pellumb Petritaj e ka bere burgun si kinema , hyn e del dhe aktualisht eshte ne liri duke manaxhuar nje bar kafe fare prane Prokurorise .Le te te sherbeje ky mesazh kercenues nga krimi per tia ktheyr me forcen qe ligji ka parashkuar, venien ne pranga te bandes se krimineleve dhe sekuestrimit te te gjitha perfitimeve te tyre .Ky eshte nje moment te treosh nese je ne lartesine e detyres apo je nje person qe shantazhohesh dhe do mbyllesh gojen e do te terhiqesh . Drejesia do fitoje.
PërgjigjuKu jeton ti shoku,se sh filma paske pà? "Drejtësia"jo vetem ne shqiperi por në çdo vend vendoset vtm për të dobetin së i forti i bën bisht
Paralelisht me SPAK-un po formohet edhe Skuadra e Krimit te Organizuar.
Përgjigju