Tirane- Aleksandër Gruda ish mekaniku i flotës, mban një foto të së bijës kur ishte 5 vjeç si kujtim të fundit. E humbi tragjikisht në vitin 1990, teksa përpiqej t’i dhuronte një jetë më të mirë. I liruar nga puna, e kur Shqipëria ishte ende me një këmbë në diktaturë, ai rrëmben një anije luftarake bashkë me një grup me mbi 15 veta dhe arratisen drejt ish- Jugosllavisë, por plumbat e rojeve do t’i merrnin jetën së bijës 4-vjeçare. Tre dekada më vonë, bujën e asaj historie Shkodra e mbart ende, ndërsa Ardit Sadiku e përjetëson në një dokumentar.
“Kjo histori është shumë e njohur në Shkodër, e kisha dëgjuar dhe menduar për ta trajtuar, po doja vetëm të gjeja momentin e duhur për të bërë këtë film dokumentar”, shprehet regjisori Ardit Sadiku.
Në kuadër të nismës “Forumoteka” Sadiku u ftua këtë javë në Qendrën për Hapje dhe Dialog për të folur mbi filmin “Aleksandër”, që edhe u shfaq në sallën e kinemasë të improvizuar në Kryeministri. Rrëfen se dokumentari i financuar nga Qendra Kombëtare e Kinematografisë u realizua përgjatë 5 muajve, e xhirimet u kryen në tri kontinente, nisur nga Amerika ku Aleksandri e familja e tij jetojnë.
“E kam xhiruar në tri kontinente , në Amerikë ku është Aleksandri, në Australi dhe në Mal të Zi”, u shpreh ai.
Sadiku, bashkë me Aleksandrin, por edhe me të tjerë personazhe që u përfshinë në atë ngjarje, rindërtojnë, mes rrëfimesh, bisedash, takimesh historinë e trishtë, të ëndrrave që përpiu liqeni, e stërmundimeve në tokë të huaja në kërkim të lirisë. Jashtë Shqipërisë, është vetë regjisori që filmon ngjarjen.
“Ekip të vogël kam pasur në Shqipëri, por në Australi e Amerikë më është dashur t’i bëj vet xhirimet, ‘soundin’ dhe shumë gjëra të tjera, që të mundemi të përfundojmë filmin. Unë e kisha idenë për ta xhiruar në këto vende, ndaj edhe ka dalë një rezultat i tillë. Që para se të aplikoja në qendër e dija se nëse nuk do të më mjaftonin lekët e Qendrës do të më duhet edhe të financoja vetë një pjesë të buxhetit, për ta përfunduar si film, për të pasur sukses”.
Për protagonistin, realizimi i këtij dokumentari ishte një përballje ‘sy më sy’ me vende, ngjarje , njerëz që thërrisnin atë ‘arratisje tragjike’, humbjen e së bijës, e trupin e saj, që qëndronte mbi një tavolinë të anijes, në pritje të një toke ku të prehej...
“Çasti më emocional është kur Aleksandri përshkruan momentin që mori vesh se i është vrarë vajza. Aleksandri ishte duke e ri përjetuar atë moment, por edhe unë që isha duke xhiruar, mora ato ndjesi që ka përjetuar edhe Aleksandëri”, thotë më tej.
Ai kishte 18 vjet pa u kthyer në Shqipëri.
“Ka qenë një zgjedhje e tij për të mos iu kthyer memorieve të vjetra, asaj që ka kaluar në Shqipëri. Por, pas filmit e ka ndërruar atë mendim, thotë që do të vij më shpesh, ndihet më i lirshëm”, thotë ai.
Filmi “Aleksandër” u kandidua nga Qendra e Filmit për Çmimet “Oscar 2024”, por nuk u nominua.
“Filmi nuk u nominua, por uroj që të nominohet filmi i ardhshëm që do të bëjmë”, shprehet më tej.
Komente
Lajme të tjera
-
Lucia Nadin dhe shqiptarët në Venedik, shfaqet dokumentari. Studiuesja: Shqipëria ishte Europë, ka ende për të zbuluar!
6 Nëntor, 13:36
-
Kosovë, përfundon edicioni i 23-të i Festivalit “DokuFest”, ndahen 11 çmimet për filmat më të mirë
12 Gusht, 16:41
-
Me emra dhe vende! Dëshmitë rrëqethëse të të mbijetuarve/ Dokumentari i Admirina Peçit për gjenocidin çam
13 Qershor, 15:19
-
Ditët perfekte të një pastruesi banjosh në Tokio
4 Qershor, 18:31
-
Bazuar në ngjarje të vertetë, xhirohet në Kukës filmi për hakmarrjen 'Triumf pa lavdi'! Me regji të Mentor Mataj dhe aktorët Bujar Asqeriu e Mehdi Malkaj
20 Maj, 16:29
-
DiCaprio do të luajë Frank Sinatrën në filmin e ri
20 Prill, 10:04 -
Me konkurrentë nga e gjithë bota, Tirana Film Office përzgjidhet në listën e 5 më të mirëve
16 Prill, 14:12 -
'Shënime video'/ Artisti Driant Zeneli ‘rizbulon’ shkencëtaren e parë shqiptare përmes një filmi
22 Shkurt, 19:24
-
Kërkohet një kryetar për Qendrën Kombëtare të Kinematografisë! 10 vjet punë në art e kulturë, nga kriteret e domosdoshme
5 Janar, 20:50 -
Filmi ikonë ‘Lulëkuqet mbi mure’ i nënshtrohet restaurimit në formatin 4K, shfaqet sot në kinema me kualitetin më të lartë
6 Dhjetor 2023, 08:20 -
Dokumentari ‘Zojë’ i Luljeta Prognit për nënën, drama e familjes në kamp e burg: Shkruaja e lotët binin në tastierë! I ati u burgos 16 vjet, gazetarja: S’i tha kurrë persekutorët
23 Nëntor 2023, 15:54
-
‘Hakmarrja’ e Simonetta Dellomonaco, e cila u largua nga Komisioni i Filmit të Puglias bën bashkë Macronin dhe Ramën
23 Tetor 2023, 13:01
Ne fakt historia eshte interesante Por ta vesh ditet e sotme te rremvesh nje anije luftarake qehesh terrorist apo dicka me te rend
Përgjigju