Një holandez, i nderuar me medalje nga shteti izraelit pasi kishte strehuar një fëmijë hebre gjatë Luftës së Dytë Botërore ka dorëzuar medaljen, pas vrasjes së 6 anëtarëve të familjes së tij në Gaza.
 
Në një letër dërguar ambasadës izraelite në Hagë, 91-vjeçari Henk Zanoli tha se mbajtja e medaljes do të ishte një fyerje për familjen që u vra pas një sulmi izraelit 20 korrik në Gaza.
 
Zanoli, një avokat në pension, kritikoi ashpër operacionin mbrojtës izraelit, duke paralajmëruar se veprime të tilla mund të çojnë vetëm në dënime të mundshme për krime lufte dhe krime kundër njerëzimit.
 
Ndërkaq, ambasada izraelite ka refuzuar të komentojë mbi gjestin e 91-vjeçarit. Të dhënat zyrtare flasin për 2 mijë njerëz të vrarë në Rripin e Gazës gjatë luftimeve 1 mujore.
 

Redaksia Online
(a.h/shqiptarja.com)