Largimet masive të popullatës vijojnë të thellojnë tkurrjen e konsumit të produkteve të shportës ushqimore. Në periudhën janar-prill 2023, importet e grupit të “Sheqernave dhe ëmbëlsirave prej tij” sipas të dhënave të INSTAT janë ulur 41% krahasuar me të njëjtën periudhë të 2022. Në këtA 4 muaj kjo është sasia më e ulët e importeve të shënuara për të njëjtën periudhë të 8 viteve të fundit. Kompanitë importuese të sheqerit pohuan se prej disa muajsh, tendenca e çmimeve është në rënie dhe sipas tyre, rënia e importeve është tërësisht për shkak të largimeve masive të popullatës në emigracion, veçanërisht në zonat rurale.
Grosistët theksuan se nga largimet e popullatës është prekur i gjithë zinxhiri tregtar i këtij produkti, veçanërisht sektori retail i produkteve ushqimore, pastiçeritë dhe kantinat e pijeve alkoolike që raportojnë rënie konsumi deri në 30%.
“Furnizuesit tanë kryesorë që janë dyqanet retail dhe pastiçeritë raportojnë rënie konsumi 30% më pak se vjet, për shkak të largimit të popullsisë.
Fshatrat pothuajse po boshatisen. Shitjet më tepër janë të përqendruara në Tiranë dhe Durrës”, pohoi një nga përfaqësuesit e kompanive importuese të sheqerit. Importuesit e sheqerit theksuan se në muajin maj kanë rritur sasinë e importeve dhe kjo për shkak të fillimit të sezonit të turizmit. Në muajin maj, çmimi i sheqerit u rrit në bursat e huaja 5% krahasuar me muajin paraardhës e ndikuar nga shtimi i kërkesës së vendeve të huaja.
Grosistët shqiptarë nënvizojnë se nuk reflektuan rritjen e çmimit në tregun shqiptar për shkak të sasisë së lartë të stokut të mallit të pashitur që disponojnë. Magazinimet e sheqerit u shtuan veçanërisht në periudhën e rritjes së fortë të çmimit të produktit në tregjet e huaja për shkak të konfliktit në Ukrainë.
Ndryshimi i çmimeve detyroi importuesit të magazinonin sasi të pashitur të produktit deri në 4 muaj. Rënie të lartë në periudhën janar-prill shënuan edhe importet e drithërave. Krahasuar me 2021, sasia e importuar u ul 28,6%. Importuesit e grurit nënvizuan se rënia e importeve ndikohet nga tkurrja e konsumit, për shkak të largimeve në emigracion, kryesisht të pjesës më të madhe konsumatorë që janë të rinjtë. Grosistët e grurit thanë se konsumi është tkurrur 30 deri në 35% më shumë se vjet, në një kohë kur çmimi i miellit për bukë në Shqipëri është ulur 27% krahasuar me tetorin e vitit të kaluar, ku për shkak të konfliktit në Ukrainë, çmimi i miellit arriti nivelin më të lartë në vlerën e 90 lekë për kg./Monitor
Lajme të tjera
-
Zgjedhjet e 2025, Berisha mbledh Grupin e Tiranës: Sulm elektoral, të baltosemi rrugëve! Lubia Balluku firmosi 14 kontrata për 13 km rrugë, Rama në 'rreth të kuq'
10 Dhjetor, 19:01 -
Pse konsumimi i tepërt i sheqerit mund të dëmtojë trurin tuaj?
1 Dhjetor, 16:16 -
Raporti i Komisionit Evropian/ Ekonomia e Shqipërisë pritet të rritet me 3.8%! Në 2025-2026 do ketë ngadalësim! Investimet po përshpejtohen në gjysmën e dytë të vitit
15 Nëntor, 12:21 -
Sfidat ekonomike s’kanë kaluar, Sejko: Integrimi në BE do të na vë përpara sprova të mëdha, të bëhemi gati! Dhuka: Të ruajmë stabilitetin ekonomik
13 Nëntor, 11:50
-
Tre arsye pse jemi të uritur gjatë gjithë kohës
12 Nëntor, 19:48 -
Çfarë i ndodh trupit tuaj nëse hiqni dorë nga sheqeri
27 Tetor, 09:00 -
Udhëheqësit e BE-së përpëliten për migrimin
15 Tetor, 16:51 -
Shqiptarët kryesojnë për lejet e qëndrimit të dhëna nga Italia në vitin 2023
11 Tetor, 21:13 -
'Lum' kërkesash për të punuar në BE! EUROSTAT: BE dha 75 mijë leje qëndrimi për shqiptarët në 2023
12 Shtator, 21:52 -
Raporti/ Shqipërisë i ka emigruar 40% e fuqisë punëtore! Organizata e Emigracionit IMO: Pagat e ulëta shtuan largimet, dëmtohet ekonomia
27 Gusht, 14:59
-
FMN: Përparoni në reformat për PPP-të! Inflacioni pritet të kthehet në objektivin prej 3%
15 Korrik, 17:23 -
Zaloshnja: Analiza e emigracionit 1990-2023
12 Korrik, 09:01
