Inagurohet këndi i ri arkivor në Biblotekën e Lushnjes, i aksesueshëm për qytetarët dhe i lidhur online me Arkivën Shtetërore (VIDEO)

Falë platformës dixhitale biblioteka e qytetit të Lushnjes do të ketë tanimë këndin e vet arkivor të lidhur online me arkivën qendror të aksesueshëm për çdo qytetar dhe studiues njësoj sikur të ishte në Drejtorinë e Përgjithshme të Arkivës së Shtetit. 

Drejtori i Përgjithshëm i Arkivës së Shtetit, Ardit Bido bashkë me nënkryetaren e Bashkisë Eriselda Sefa vizituan ambientet e reja ku janë vendosur kompjuterat e lidhur online me Arkivën Qëndrore të Shtetit ku u shpreh se falë projektit teknologjik mijëra vëllime arkivore do të jenë të aksesueshme  më lehtë për studiuesit dhe të gjithë qytetarët e interesuar.

'Nga shtëpia mundet të shohësh katalogjet, të zgjedhësh dosjet që ti do. Janë diku deri tek 2 milionë tituj dosjesh të cilat janë bashkë me dosjet që ka Arkivi Qëndror i Shtetit, Avash-avash po hedhim dhe titujt e arkivave vendore brenda një periudhe 2 vjeçare do të ketë përfunduar i gjithë ky proces ku studiuesi ka mundësi që përmes fjalëve kyçe të zgjedhë dokumentet që ai dëshiron  apo dosjet që ai dëshiron.'- tha Drejtori i Përgjithshëm i Arkivës së Shtetit, Ardit Bido.

LEXO EDHE:
Plazhi i Darzezës në Fier bëhet gati për sezonin veror! Rama: Perlë e Adriatikut

Aktualisht në Lushnjë prej vitesh ndodhet arkiva shtetërore për Jugun e vendit dhe aksesi në dokumentacion mund të bëhet nga çdo qytet dhe individ duke shkuar pothuajse drejt dixhitalizimit përfundimtar te arkivave shtetërore.

M.Q./b.ha./Shqiptarja.com

TAG:
• Fier
• arkiva e shtetit
• lushnje