POP 5

Lajmet më të lexuara të 5 minutave të fundit

Sociale

Inaugurohet reparti i reanimacionit  
në Shkodër,ministrja:Referencë për veriun

Tashmë spitali i Shkodrës do të ketë edhe repartin e reanimacionit. Gjatë inspektimit ne mjediset e reja, ministrja e shendetesise Manastirliu u shpreh se Spitali i këtij qyteti  do të kthehet në qendër referenciale për të gjithë veriun.  VIDEO
Inaugurohet reparti i reanimacionit  <br />në Shkodër,ministrja:Referencë për veriun
Spitalit të Shkodrës  i shtohet reparti i reanimacionit, i cili është rindërtuar nga themelet.

Kryeministri Edi Rama së bashku me ministren e Shëndetësisë Ogerta Manastirliu inspektuan mjediset e reja ndërsa personeli  mjekësor e vlerësoi ndyshimin rrënjësor. Manastirliu e konsideroi spitalin e Shkodrës një nga qendrat shëndetësore më të fuqizuara në vend duke u kthyer në një qendër referenciale për të gjithë veriun.
 
 "Investimet e deritanishme e kanë kthyer spitalin e Shkodrës, pas Qendrës Spitalore Universitare "Nënë Tereza" në Tiranë, një nga qendrat shëndetësore me kapacitet më të mirëndërtuara dhe fuqizuara në vend. Reanimacioni i ri, polivalent i spitalit të Shkodrës, ka dyfishuar kapacitetet dhe me pajisje tërësisht të reja. Spitalin e Shkodrës, duke qenë se duam ta kthejmë në qendër referenciale për të gjithë veriun, kemi 3 vite e gjysmë që investojmë intensivisht në shërbime që nuk janë ofruar më parë" u shpreh Manastirliu.
 
Kryeministri Rama  gjatë bisedës me punonjësit e spitalit nuk i kurseu batutat për kryetaren e Bashkisë Voltana Ademi
 
 “Kena ardh me t’falenderu se ke ba tana t’mirat për Shkodrën. T’rujt Zoti. T’pacim!”-u përgjigj punonjësja.

Me batutë Kryeministri iu përgjigj:“Shkodrës s’i kam bërë gjë, i ka bërë Voltana.”
 
 “Voltana s’na ka ba kurrgjë. Ti i ke ba të tana,”-ia ktheu punonjësja.
 
Për herë të parë në 25 vjet, spitali i Shkodrës i projektuar për t'u kthyer në një qendër referenciale për zonën veriore, ofron 4 shërbime të reja shëndetësore; koronarografia, kimioterapia, protezat ortopedike dhe rezonanca magnetike në shërbimin e imazherisë dhe së fundmi edhe reparti i reanimacionit.

Redaksia Online
e.m/Shqiptarja.com
 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama për protestën para takimit në Londër: Të nxitur nga të verbërit në Tiranë! Ish-ministrja e Brendshme quajti shqiptarët pushtues

Rama për protestën para takimit në Londër: Të nxitur nga të verbërit në Tiranë! Ish-ministrja e Brendshme quajti shqiptarët pushtues

24 Nëntor, 13:47