India liron të gjithë të akuzuarit për sulmin në xhami më 1992, ku humbën jetën rreth 2,000 njerëz

India liron të gjithë të akuzuarit për sulmin në xhami më 1992, ku humbën jetën rreth 2,000 njerëz

Xhamia në Indi

Një gjykatë në Indi liroi të 32 njerëzit e akuzuar për përfshirje në sulmin dhe prishjen e një xhamie, afro 30 vjet më parë.

Incidenti pati nxitur dhunën e myslimanëve, e cila pati lënë të vrarë rreth 2,000 njerëz.

Disa udhëheqës të partisë qeverisëse hinduse në Indi “Bharatiya Janata” kanë qenë në mesin e të akuzuarve, që u liruan të mërkurën.

Ata i kanë mohuar akuzat se i kanë nxitur turmat hinduse të shkatërrojnë xhaminë Babri të shekullit 16, në qytetin Ajodia, në dhjetor të vitit 1992.

Hindusët besojnë se xhamia është ndërtuar në vendin e lindjes së Perëndisë së tyre Ram.

Akuzat janë ngritur kundër 49 personave në vitin 1993, por 17 prej tyre tashmë kanë vdekur.

Tridhjetedy të akuzuarit e mbetur u shpallën të pafajshëm të mërkurën nga një gjykatë speciale, e cila konstatoi se prishja e xhamisë është bërë nga "elementë anti-shoqërorë" dhe se nuk ka prova se ajo ka qenë e paramenduar.

Gjykimi pritet të shtojë ndjenjën e pakënaqësisë dhe margjinalizimit në mesin e pakicës myslimane në Indi, e cila numëron rreth 200 milionë banorë.

Gjykimi vjen gati një vit pasi Gjykata e Lartë e Indisë u dha tokën e diskutueshme hindusëve - duke i dhënë fund betejës së gjatë ligjore mbi pronësinë e saj - ndërsa myslimanëve u dha një tokë tjetër në Ajodia për të ndërtuar xhaminë./REL

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lezhë/ 29 % e bizneseve debitore në bashki, hotelet s’paguajnë taksën e fjetjes! Kryebashkiaku Ndreu: Task-forcë, do pezullojmë lejet për stacione plazhi

Lezhë/ 29 % e bizneseve debitore në bashki, hotelet s’paguajnë taksën e fjetjes! Kryebashkiaku Ndreu: Task-forcë, do pezullojmë lejet për stacione plazhi